Levitico 26:17

Ang Biblia 2011

Ipaatubang nako ang akong nawong batok kaninyo ug pukanon kamo sa inyong mga kaaway ug ang mga nagdumot kaninyo magmando ibabaw kaninyo ug mangagiw kamo bisan walay maggukod kaninyo.

Cross References

Genesis 4:12

Sa dihang mag-ugmad ikaw sa yuta, dili na kini maghatag kanimo sa iyang kusog. Maglatagaw ug magtagotago ikaw sa kalibotan.”

1 Mga Hari 8:33

“Sa diha nga ang imong katawhan nga Israel mapukan atubangan sa kaaway tungod kay sila nakasala batok kanimo, kon sila mobalik nganha kanimo, ug moila sa imong ngalan ug mag-ampo ug magpakiluoy kanimo dinhi niining balaya,

2 Mga Hari 13:3

Ug ang kasuko sa Ginoo misilaob batok sa Israel ug gitugyan niya sila kanunay ngadto sa kamot ni Hasael nga hari sa Siria ug unya ngadto sa kamot ni Ben-hadad nga anak ni Hasael.

2 Mga Hari 13:7

Kay walay mahibilin kang Jehoahas nga kasundalohan nga labaw sa 50 ka tigpangabayo ug napulo ka karwahi ug napulo ka libo ka sundalo nga naglakaw, kay sila gilaglag sa hari sa Siria ug gihimo sila nga sama sa abog nga gitamaktamakan.

Salmo 44:10

Gipasibog nimo kami gikan sa among kaaway, ug ang among mga kaaway manguha sa among mga butang.

Salmo 53:5

Anaa sila sa hilabihang kahadlok, sa kahadlok nga wala pa nila masinati! Kay ang Dios magkatag sa mga bukog niya nga nakigbatok kanimo; pakaulawan nimo sila, tungod kay ang Dios nagsalikway man kanila.

Salmo 53:6

O nga ang kaluwasan sa Israel mogula unta gikan sa Zion! Sa dihang ipahiuli sa Dios ang maayong kahimtang sa iyang katawhan, si Jacob maglipay ug ang Israel magmaya.

Mga Panultihon 28:1

Ang daotan mopalayo bisan ug walay naggukod, apan ang matarong isog sama sa liyon.

Isaias 30:17

Usa ka libo mangagiw tungod sa paghulga sa usa ka tawo; sa paghulga sa lima kamo mamiya, hangtod nga kamo mahibilin sama sa usa ka suga sa tumoy sa usa ka bukid, sama sa usa ka ilhanan ibabaw sa usa ka bungtod.

Isaias 63:10

Apan sila misupil, ug nagpaguol sa iyang balaan nga Espiritu; busa siya nahimo nga ilang kaaway, ug siya gayod mao ang nakig-away batok kanila.

Jeremias 19:7

Ug niining dapita himoon nako nga kawang ang mga laraw sa Juda ug sa Jerusalem, ang ilang katawhan mapukan pinaagi sa espada sa atubangan sa ilang mga kaaway, ug pinaagi sa kamot niadtong nagtinguha sa ilang kinabuhi. Akong ihatag ang ilang mga patayng lawas ingon nga pagkaon alang sa mga langgam sa kalangitan ug sa mga mananap sa yuta.

Jeremias 44:11

“Busa mao kini ang giingon sa Ginoo sa mga panon, ang Dios sa Israel: Tan-awa, ipaatubang nako ang akong nawong batok kaninyo alang sa kadaotan, aron sa paglaglag sa tibuok nga Juda.

Mga Pagbangotan 1:5

Ang iyang mga kaaway nangahimong mga pangulo, ang iyang mga kaaway miuswag, kay ang Ginoo nagpaantos kaniya tungod sa pagkadaghan sa iyang mga kalapasan; ang iyang kabataan gipamihag ngadto sa atubangan sa kaaway.

Mga Pagbangotan 2:4

Iyang gibingat ang iyang pana sama sa usa ka kaaway, pinaagi sa iyang tuong kamot sama sa usa ka kaaway; gipamatay niya ang tanang garbo sa atong mata sulod sa tolda sa anak nga babaye sa Zion; iyang gibubo ang iyang kasuko sama sa kalayo.

Ezequiel 15:7

Ug akong ipaatubang ang akong nawong batok kanila. Bisan ug makalingkawas sila gikan sa kalayo, ang kalayo maghurot gihapon kanila, ug kamo makaila nga ako mao ang Ginoo, sa diha nga ipaatubang nako ang akong nawong batok kanila.

Levitico 17:10

“Si bisan kinsang tawhana sa banay sa Israel o sa mga dumuduong nga nagpuyo sa taliwala nila nga magkaon sa bisan unsa nga dugo, akong ipaatubang ang akong nawong batok nianang tawhana nga magkaon ug dugo ug ipahimulag nako siya gikan sa iyang katawhan.

Deuteronomio 28:25

“Ipabuntog kamo sa Ginoo sa atubangan sa inyong mga kaaway. Manggula kamo batok kanila sa usa ka dalan ug gikan kanila mangagiw kamo sa pito ka dalan ug mahimo kamong kahadlokan sa tanang mga gingharian sa yuta.

Josue 7:4

Busa mga tulo ka libo gikan sa katawhan ang miadto didto. Apan nanagan sila gikan sa atubangan sa mga tawo sa Ai.

Mga Maghuhukom 2:14

Busa ang kasuko sa Ginoo misilaob batok sa Israel ug gihatag niya sila ngadto sa mga tulisan nga nanulis kanila ug gibaligya niya sila ngadto sa gahom sa ilang mga kaaway nga naglibot, aron dili na sila makasugakod sa ilang mga kaaway.

Mga Maghuhukom 3:14

Ug ang katawhan sa Israel nag-alagad kang Eglon nga hari sa Moab sulod sa napulo ug walo ka tuig.

Mga Maghuhukom 3:8

Tungod niini ang kasuko sa Ginoo misilaob batok sa Israel ug iyang gibaligya sila ngadto sa kamot ni Cusan-risataim nga hari sa Mesopotamia. Ug ang katawhan sa Israel nag-alagad kang Cusan-risataim sulod sa walo ka tuig.

Mga Maghuhukom 6:2

Ug ang kamot sa Midian mipatigbabaw batok sa Israel ug tungod sa Midian, ang katawhan sa Israel naghimog ilang mga tagoanan nga anaa sa kabukiran, sa mga langob ug sa mga lig-ong salipdanan.

1 Samuel 12:15

Apan kon dili kamo mamati sa tingog sa Ginoo, hinuon mosukol kamo batok sa sugo sa Ginoo, ang kamot sa Ginoo makigbatok kaninyo ug sa inyong hari.

1 Samuel 31:1

Ang mga Filistihanon nakiggubat batok sa Israel, ug ang mga tawo sa Israel nanagan gikan sa atubangan sa mga Filistihanon, ug gipamatay didto sa bukid sa Gilboa.

1 Samuel 4:10

Busa ang mga Filistihanon nakig-away, ug ang Israel nabuntog ug midagan ang matag tawo ngadto sa iyang pinuy-anan. Dihay dakong pagpamatay, kay may napukan sa Israel nga 30,000 ka sundalong naglakaw.