Levitico 26:16

Ang Biblia 2011

ako usab magbuhat kaninyo niini. Ako magpadala kaninyo ug kalisang, makamatay nga sakit ug hilanat nga makadaot sa mga mata ug kaguol nga ikamatay. Ug walay kapuslanan ang inyong pagpugas sa binhi kay ang inyong mga kaaway maoy mokaon niini.

Cross References

1 Mga Hari 8:37

“Kon may gutom dinhi sa yuta, kon adunay kamatay, sakit sa mga tanom, agup-op, dulon ulod, kon ang ilang mga kaaway mosulong kanila sa yuta diha sa ilang mga siyudad, bisan unsa nga katalagman, bisan unsa nga sakit ang anaa,

Job 18:11

Mga panghadlok naglisang kaniya diha sa matag kilid, ug naggukod kaniya sa iyang mga tikod.

Job 20:25

Kini molapos ug mogula sa iyang lawas; ang tumoy nga magpangidlap mogula gikan sa iyang apdo; ang mga kalisang moabot kaniya.

Job 31:8

papugasa ako ug lain ang pakaona, ug ipaibot ang moturok alang kanako.

Salmo 109:6

Itudlo batok kaniya ang usa ka tawo nga daotan, ipataral siya sa usa ka kaaway diha sa hukmanan.

Salmo 73:19

Naunsa ba nga sila nangalaglag man sa kalit, nangaanod sa hilabihang mga kalisang!

Salmo 78:33

Busa giwagtang niya ang ilang mga adlaw sama sa gininhawa, ug ang ilang mga tuig diha sa kalisang.

Exodo 15:26

Siya miingon, “Kon mamati gayod kamo pag-ayo sa tingog sa Ginoo nga inyong Dios ug magbuhat sa unsay matarong sa iyang mga mata, ug magpatalinghog sa iyang mga sugo ug magtuman sa tanan niyang mga lagda, walay bisan unsang sakit nga ipahamtang nako kaninyo nga akong gipahamtang sa mga Ehiptohanon kay ako mao ang Ginoo nga nag-ayo kaninyo.”

Mga Panultihon 3:33

Ang pagtunglo sa Ginoo anaa sa balay sa daotan, apan iyang panalanginan ang puluy-anan sa matarong.

Isaias 10:4

Walay laing mahimo gawas sa pagduko uban sa mga binilanggo, ug mangapukan uban sa mga gipamatay. Bisan pa niining tanan ang iyang kasuko wala mapuypoy ug ang iyang kamot gibakyaw gihapon.

Isaias 62:8

Ang Ginoo nanumpa pinaagi sa iyang tuong kamot, ug pinaagi sa iyang gamhanang bukton: “Dili gayod nako ihatag ang imong trigo ingon nga pagkaon sa imong mga kaaway, ug ang mga langyaw dili moinom sa imong bag-ong bino nga imong hinagoan;

Isaias 7:2

Sa diha nga ang banay ni David gisuginlan, “Ang Siria nakig-abin kang Efraim,” ang iyang kasingkasing ug ang kasingkasing sa iyang katawhan nangurog sama sa kakahoyan sa lasang nga nangurog tungod sa hangin.

Jeremias 12:13

Sila nagpugas ug trigo apan nag-ani ug mga tunok, naghago sila sa ilang kaugalingon apan walay nakuha. Sila maulawan sa ilang mga abot, tungod sa bangis nga kasuko sa Ginoo.”

Jeremias 15:3

“Ako magtudlo alang kanila ug upat ka matang sa tiglaglag, nag-ingon ang Ginoo: ang espada nga igpapatay, ang iro nga mokuniskunis, ug ang mga langgam sa kalangitan ug ang mga mananap sa yuta nga molamoy ug molaglag.

Jeremias 15:8

Gipadaghan nako ang ilang mga biyuda kay sa balas sa kadagatan; sa kaudtohon gipadad-an nako ug tiglaglag ang mga inahan sa mga batan-ong lalaki; gihimo nako nga ang kasakit ug ang kalisang mahulog sa kalit kanila.

Jeremias 20:4

Kay mao kini ang giingon sa Ginoo: Tan-awa, buhaton ko ikaw nga kalisangan sa imong kaugalingon ug sa tanan nimong mga higala. Sila mangapukan pinaagi sa espada sa ilang mga kaaway samtang ikaw magtan-aw. Ug akong ihatag ang tibuok nga Juda ngadto sa mga kamot sa hari sa Babilonia, ug iyang dad-on sila nga binihag ngadto sa Babilonia, ug pamatyon sila didto pinaagi sa espada.

Jeremias 5:17

Ilang hutdon pagkaon ang imong abot ug ang imong pagkaon; ilang hutdon pagkaon ang imong mga anak nga lalaki ug ang imong mga anak nga babaye; ilang hutdon pagkaon ang imong panon sa karnero ug ang imong panon sa mga baka; ilang hutdon pagkaon ang imong kaparasan ug ang imong mga kahoy nga igos; ang imong kinutaang mga siyudad nga imong gisaligan ilang lumpagon pinaagi sa espada.”

Ezequiel 24:23

Ang inyong mga purong anha sa inyong mga ulo, ug ang inyong mga sandalyas anha sa inyong mga tiil. Dili kamo magbangotan o maghilak apan magniwang kamo tungod sa inyong kasal-anan ug mag-agulo ngadto sa usag usa.

Ezequiel 33:10

“Ug ikaw, anak sa tawo, sulti ngadto sa balay sa Israel: Mao kini ang inyong gisulti, ‘Ang among kalapasan ug ang among mga sala ania kanamo ug nagkaut-ot kami tungod niini; unsaon man namo pagkabuhi?’

Amos 5:11

Busa kay giyatakan man ninyo ang mga kabos, ug nagpahamtang kaniya ug tubo sa trigo, nakatukod kamo ug mga balay nga hinimo gikan sa sinapsap nga bato, apan kamo dili makapuyo niini; nagtanom kamo ug mga matahom nga kaparasan apan kamo dili makainom sa bino niini.

Miqueas 6:15

Magpugas ikaw, apan dili makaani; ikaw magpuga sa mga olibo, apan dili ikaw makadihog sa imong kaugalingon ug lana; ikaw magpuga sa paras, apan dili makainom ug bino.

Hageo 1:6

Nagpugas kamo ug daghan ug diyotay ra ang naani. Nagkaon kamo apan wala kamo makabaton ug igo, nanginom kamo apan wala kamo matagbaw. Nagbisti kamo sa inyong kaugalingon apan walay usa nga nainitan ug kadtong nagdawat ug suhol nagdawat sa suhol aron ibutang diha sa sudlanan sa salapi nga busloton.

Zacarias 14:12

Ug mao kini ang katalagman nga ipahamtang sa Ginoo sa tanang mga katawhan nga nakiggubat batok sa Jerusalem. Ang ilang mga unod madunot samtang magtindog pa sila ug ang ilang mga mata madunot diha sa ilang mga luyak ug ang ilang mga dila madunot diha sa ilang mga baba.

Malaquias 2:3

Ania karon, akong badlongon ang inyong kaliwat ug hidhiran nako ug kinalibang ang inyong mga nawong, ang kinalibang sa inyong mga halad ug papahawaon ko kamo gikan sa akong atubangan.

Deuteronomio 28:51

ug magkaon sa bunga sa inyong kahayopan ug sa bunga sa inyong yuta, hangtod nga kamo malaglag. Ug dili siya magbilin kaninyo ug trigo, bino o lana, sa abot sa inyong mga baka o sa nati sa inyong mga karnero, hangtod nga kamo malaglag nila.

Deuteronomio 32:25

Ang anaa sa gawas mangamatay pinaagi sa espada, ug ang atua sa mga lawak mangalisang, mangalaglag ang batan-ong lalaki ug ang ulay, ang nagsuso uban ang tawo nga tigulang.

Mga Hebreo 10:31

Makalilisang gayod ang pagkahulog ngadto sa mga kamot sa buhi nga Dios.

Mga Maghuhukom 6:11

Unya ang anghel sa Ginoo miabot ug milingkod sa ilalom sa dakong kahoy didto sa Opra nga iya ni Joas nga kaliwat ni Abieser, samtang ang anak nga lalaki ni Joas nga si Gideon naggiok ug trigo didto sa pug-anan sa bino aron sa pagtago niini gikan sa mga Midianhon.

1 Samuel 2:33

Ang usa kaninyo nga dili nako kuhaon gikan sa akong halaran, ilikay nako sa mga paghilak ug sa kagul-anan ug ang tanan nga sakop sa imong panimalay mamatay pinaagi sa espada.