Levitico 26:13

Ang Biblia 2011

Ako mao ang Ginoo nga inyong Dios nga nagkuha kaninyo gikan sa yuta sa Ehipto aron kamo dili maulipon nila. Ug gibunggo nako ang trangka sa inyong yugo ug gipalakaw nako kamo nga tuyhad.

Cross References

Salmo 116:16

O Ginoo, ako imong alagad. Ako imong alagad, anak sa imong alagad nga babaye. Gihubad nimo ang akong mga gapos.

Exodo 14:8

Ug gipagahi sa Ginoo ang kasingkasing sa Paraon nga hari sa Ehipto ug gigukod niya ang katawhan sa Israel kay migikan man sila nga maisogon.

Exodo 20:2

“Ako mao ang Ginoo nga inyong Dios nga nagkuha kaninyo gikan sa yuta sa Ehipto, gikan sa dapit sa kaulipnan.

Exodo 6:7

Kuhaon ko kamo ingon nga akong katawhan ug ako mahimo nga inyong Dios. Ug kamo mahibalo nga ako, ang Ginoo nga inyong Dios, nagpagula kaninyo gikan sa mga kabug-at nga gipapas-an kaninyo sa mga Ehiptohanon.

Isaias 51:23

ug ibutang nako kini ngadto sa kamot nila nga nagsakit kanimo, nga nag-ingon kanimo, ‘Duko, aron kami makaagi’; ug imo nga gihimo ang imong bukobuko sama sa yuta, ug sama sa dalan aron sila makaagi.”

Isaias 9:3

Imong gipadaghan ang nasod, imong gipatubo ang kalipay niini; sila nangalipay sa imong atubangan sama sa kalipay sa pag-ani, sama sa mga tawo nga nangalipay sa ilang pagbahin sa inilog.

Jeremias 2:20

“Kay sa kanhing panahon gibali nimo ang imong yugo ug gibugto ang imong mga gapos ug ikaw miingon, ‘Dili ako moalagad.’ Kay sa matag habog nga bungtod, ug ilalom sa matag lunhaw nga kahoy ikaw miyukbo sama sa usa ka babayeng nagbaligya sa iyang dungog.

Jeremias 28:2

“Mao kini ang giingon sa Ginoo sa mga panon, ang Dios sa Israel: Gibali na nako ang yugo sa hari sa Babilonia.

Jeremias 28:4

Dad-on usab nako pagbalik nganhi niining dapita si Jeconias nga anak ni Jehoiakim, ang hari sa Juda, ug ang tanang mga binihag sa Juda nga miadto sa Babilonia, nag-ingon ang Ginoo, kay akong balion ang yugo sa hari sa Babilonia.”

Ezequiel 30:18

Didto sa Tehapnehes ang adlaw mongiob, sa diha nga bunggoon nako ang yugo sa Ehipto ug ang iyang mapagarbohong gahom matapos; siya matabonan sa panganod ug ang iyang mga anak nga babaye mangabihag.

Ezequiel 34:27

Ang kahoy sa kapatagan mohatag sa iyang bunga ug ang yuta mohatag sa iyang abot. Sila magpuyo nga layo sa kakuyaw diha sa ilang yuta, ug sila makaila nga ako mao ang Ginoo sa diha nga balion na nako ang mga babag sa ilang yugo, ug luwason sila gikan sa kamot niadtong nag-ulipon kanila.

Oseas 11:4

Sila gidala nako pinaagi sa mga pisi sa kaluoy, pinaagi sa mga bugkos sa gugma, ug kanila ako nahimong sama sa nagtangtang sa yugo diha sa ilang apapangig, ug miyuko ako ngadto kanila ug gipakaon sila.

Levitico 25:38

Ako mao ang Ginoo nga imong Dios nga nagkuha kaninyo gikan sa yuta sa Ehipto aron sa paghatag kaninyo sa yuta sa Canaan ug aron mahimo nga inyong Dios.

Levitico 25:42

Kay sila akong mga alagad nga akong gikuha gikan sa yuta sa Ehipto, sila dili ibaligya ingon nga mga ulipon.

Levitico 25:55

Kay alang kanako ang katawhan sa Israel mga alagad, akong mga alagad nga akong gikuha gikan sa yuta sa Ehipto. Ako mao ang Ginoo nga inyong Dios.

Nahum 1:13

Ug karon bunggoon nako ang iyang yugo gikan kanimo ug bugtoon ang imong mga gapos.”