Levitico 26:11

Ang Biblia 2011

Ibutang nako ang akong puluy-anan sa taliwala ninyo ug ako dili magdumot kaninyo.

Cross References

2 Samuel 7:7

Sa tanang dapit diin ako mibalhin uban sa tanang katawhan sa Israel, misulti ba ako ug usa ka pulong ngadto sa bisan kinsa sa mga maghuhukom sa Israel, nga akong gisugo sa pagbantay sa akong katawhan nga Israel, nga nag-ingon, “Nganong wala ako ninyo tukori ug usa ka balay nga cedro?” ’

1 Mga Hari 6:13

Ug ako magpuyo uban sa mga anak ni Israel, ug dili nako biyaan ang akong katawhan nga Israel.”

1 Mga Hari 8:13

Ako nagtukod alang kanimo ug usa ka matahom nga balay, usa ka dapit nga imong kapuy-an hangtod sa kahangtoran.”

1 Mga Hari 8:27

“Apan tinuod ba gayod nga ang Dios magpuyo dinhi sa kalibotan? Tan-awa, ang langit ug ang kinahabogan nga langit dili makaigo kanimo, unsa pa kaubos kining balay nga akong gitukod!

Salmo 106:40

Unya misilaob ang kapungot sa Ginoo batok sa iyang katawhan, ug gidumtan niya ang iyang panulundon;

Salmo 76:2

Ang iyang balay anaa sa Salem, ang iyang puluy-anan anaa sa Zion.

Salmo 78:59

Sa diha nga nakadungog ang Dios, siya nasuko, ug gisalikway niya sa hilabihan ang Israel.

Exodo 25:8

Pabuhata sila ug usa ka balaang puluy-anan alang kanako aron makapuyo ako sa ilang taliwala.

Exodo 29:45

Ug mopuyo ako uban sa katawhan sa Israel ug mahimo ako nga ilang Dios.

Exodo 29:46

Ug sila makaila nga ako mao ang Ginoo nga ilang Dios, nga nagkuha kanila gikan sa yuta sa Ehipto aron mopuyo ako uban kanila. Ako ang Ginoo nga ilang Dios.

Jeremias 14:21

Ayaw intawon kami ayri, tungod ug alang sa imong ngalan; ayaw pakaulawi ang imong mahimayaong trono; hinumdomi ug ayaw pakyasa ang imong kasabotan uban kanamo.

Mga Pagbangotan 2:7

Ang Ginoo nagtamay sa iyang halaran, nagsalikway sa iyang balaang puluy-anan; iyang gitugyan ngadto sa kamot sa iyang kaaway ang mga paril sa iyang mga palasyo; adunay kagubot sulod sa balay sa Ginoo, sama sa adlaw sa gitakda nga kasaulogan.

Joel 2:27

Kamo mahibalo nga ako anaa sa taliwala sa Israel, ug nga ako, ang Ginoo, mao ang inyong Dios ug wala nay lain. Ug ang akong katawhan dili na gayod maulawan.

Levitico 20:23

Ayaw kamo pagsubay sa mga pamatasan sa nasod nga gisalikway nako gikan sa inyong atubangan kay ilang gibuhat kining tanan ug tungod niini gidumtan nako sila.

Levitico 26:15

ug kon isalikway ninyo ang akong mga lagda, ug ang inyong kalag magtamay sa akong mga tulumanon, sa pagkaagi nga dili ninyo buhaton ang tanan nakong sugo, kondili maglapas kamo sa akong kasabotan,

Levitico 26:43

Apan ang yuta mabiyaan nila ug mapahimuslan ang iyang mga tuig nga igpapahulay samtang kini magpabilin nga biniyaan nga wala sila ug magbayad sila tungod sa ilang kasal-anan kay ilang gisalikway ang akong mga tulumanon ug ang ilang kalag nagdumot sa akong mga lagda.

Levitico 26:44

Apan bisan pa niining tanan, sa dihang atua sila sa yuta sa ilang mga kaaway, ako dili magsalikway kanila o magdumot kanila aron sa paglaglag gayod kanila ug sa paglapas sa akong kasabotan kanila kay ako mao ang Ginoo nga ilang Dios;

Zacarias 11:8

Sulod sa usa ka bulan, gilaglag nako ang tulo ka tigbantay, kay gikapoyan na ako kanila, ug ako giayran usab nila.

Mga Taga-Efeso 2:22

ug diha kaniya kamo usab gitukod aron mahimong puluy-anan sa Dios pinaagi sa Espiritu.

Deuteronomio 32:19

“Ang Ginoo nakakita niini ug nagsalikway kanila, tungod sa pagpasuko kaniya sa iyang mga anak nga lalaki ug sa iyang mga anak nga babaye.

Josue 22:19

Apan karon, kon ang inyong yuta dili hinlo, pangadto kamo sa yuta sa Ginoo diin ang Tolda sa Ginoo nagbarog, ug panag-iya kamo uban kanamo. Apan ayaw lamang kamo pagsukol batok sa Ginoo o mosukol kamo batok kanamo pinaagi sa pagbuhat ug usa ka halaran alang kaninyo, gawas sa halaran sa Ginoo nga atong Dios.

Josue 22:31

Ug si Pinehas nga anak ni Eleasar nga pari miingon ngadto sa mga Rubenhanon ug sa mga Gadhanon, ug sa mga Manasehanon, “Karong adlawa nahibalo kita nga ang Ginoo ania sa atong taliwala tungod kay wala kamo magbuhat niining salaa batok sa Ginoo. Karon, giluwas ninyo ang katawhan sa Israel gikan sa kamot sa Ginoo.”

Gipadayag 21:3

Ug nadungog nako gikan sa trono ang usa ka dakong tingog nga nag-ingon, “Tan-awa, ang puluy-anan sa Dios anaa uban sa mga tawo. Siya magpuyo uban kanila ug sila mahimo nga iyang mga katawhan, ug ang Dios gayod mao ang magkig-uban kanila ug mahimo nga ilang Dios.

Gipadayag 7:15

Tungod niini anaa sila sa atubangan sa trono sa Dios, ug nag-alagad kaniya sa adlaw ug sa gabii sulod sa iyang Templo, ug ang naglingkod sa trono magbuklad sa iyang tolda ibabaw kanila.