Levitico 26:1

Ang Biblia 2011

“Ayaw kamo pagbuhat alang kaninyo ug mga diosdios ug ayaw kamo pagpatindog ug kinulit nga larawan o haligi nga bato, ug ayaw kamo pagbutang ug bato nga kinulitan diha sa inyong yuta aron magyukbo kamo niini, kay ako mao ang Ginoo nga inyong Dios.

Cross References

2 Mga Hari 17:10

Alang sa ilang kaugalingon nagpatindog sila ug mga haligi nga bato ug mga Asera sa ibabaw sa matag habog nga bungtod ug ilalom sa matag lunhaw nga kahoy.

2 Mga Hari 17:16

Ug ilang gisalikway ang tanang mga sugo sa Ginoo nga ilang Dios ug naghimo sila alang sa ilang kaugalingon ug duha ka tinunaw nga mga larawan sa nating baka ug naghimo sila ug usa ka Asera ug nagsimba sa tanang panon sa langit ug nag-alagad kang Baal.

2 Mga Hari 17:8

ug naglakaw sumala sa nabatasan sa mga nasod nga gisalikway sa Ginoo gikan sa atubangan sa mga katawhan sa Israel ug diha sa pamatasan nga gihimo sa mga hari sa Israel.

Salmo 78:58

Kay gihagit nila siya sa pagkasuko pinaagi sa ilang mga habog nga dapit; gipapangabubho nila siya pinaagi sa ilang mga larawan nga kinulit.

Salmo 97:7

Ang tanan nga nagsimba ug mga larawan maulawan, sila nga nangandak sa ilang kaugalingon tungod sa mga diosdios; ang tanang mga dios magyukbo kaniya.

Exodo 20:2

“Ako mao ang Ginoo nga inyong Dios nga nagkuha kaninyo gikan sa yuta sa Ehipto, gikan sa dapit sa kaulipnan.

Exodo 20:23

Ayaw kamo pagbuhat ug mga diosdios nga hinimo ug plata uban kanako o magbuhat alang kaninyo ug mga diosdios nga hinimo ug bulawan.

Exodo 23:24

ayaw gayod pagyukbo sa ilang mga diosdios o mag-alagad kanila o magbuhat sumala sa ilang mga buhat, hinuon gub-a kini ug dugmoka ninyo ang ilang mga batong haligi.

Exodo 34:17

“Ayaw kamo pagbuhat ug tinunaw nga mga diosdios.

Isaias 2:20

Nianang adlawa isalibay sa mga tawo ang ilang mga diosdios nga plata ug ang mga diosdios nga bulawan, nga gibuhat nila aron simbahon, ngadto sa mga ilaga ug sa mga kabog,

Levitico 19:4

Ayaw kamo pagdangop ngadto sa mga larawan ug ayaw usab kamo pagbuhat alang kaninyo ug mga dios nga tinunaw. Ako mao ang Ginoo nga inyong Dios.

Levitico 25:55

Kay alang kanako ang katawhan sa Israel mga alagad, akong mga alagad nga akong gikuha gikan sa yuta sa Ehipto. Ako mao ang Ginoo nga inyong Dios.

Levitico 7:33

Ang usa sa mga anak nga lalaki ni Aaron nga maoy maghalad sa dugo sa halad sa pakigdait ug sa tambok maoy manag-iya sa tuo nga paa.

Numeros 33:52

papahawaon ninyo ang tanang mga nagpuyo sa yuta gikan sa atubangan ninyo ug dugmokon ang tanan nilang mga larawan ug ang tanan nilang mga tinunaw nga larawan ug gub-on ang tanan nilang habog nga mga dapit

Mga Buhat 17:29

Busa kay mga anak man kita sa Dios, dili nato hunahunaon nga ang pagka-Dios sama sa bulawan o plata, o bato nga kinulit pinaagi sa kabatid ug sa hunahuna sa tawo.

Deuteronomio 27:15

“ ‘Tinunglo ang tawo nga magbuhat ug larawan nga kinulit o tinunaw, butang nga dulumtanan sa Ginoo, butang nga binuhat sa kamot sa hanas nga tigpamuhat ug magbutang niini sa tago!’ Ug ang tanang katawhan mag-ingon, ‘Amen!’

Deuteronomio 5:6

“ ‘Ako ang Ginoo nga inyong Dios nga nagkuha kaninyo gikan sa yuta sa Ehipto, gikan sa balay sa kaulipnan.

Gipadayag 22:15

Sa gawas anaa ang mga iro, ang mga salamangkiro, ang mga makihilawason, ang mga mamumuno, ang mga nagsimba ug mga diosdios, ug ang tanang nahigugma ug naghimo sa bakak.

Mga Maghuhukom 18:30

Unya gipatindog sa mga Danihanon ang kinulit nga larawan alang sa ilang kaugalingon, ug si Jonatan nga anak ni Gersom nga anak ni Moises, ug ang iyang mga anak nga lalaki nahimong mga pari sa banay sa mga Danihanon hangtod sa adlaw sa pagkabihag sa yuta.