Levitico 25:8

Ang Biblia 2011

“Mag-ihap ikaw ug pito ka tuig sa pahulay alang kanimo, pito ka pito ka tuig, ug niana ang mga adlaw sa pito ka tuig sa pahulay mahimo kanimo nga 49 ka tuig.

Cross References

Genesis 2:2

Ug sa ikapito nga adlaw natapos sa Dios ang buhat nga iyang gihimo. Ug mipahulay siya sa ikapito nga adlaw gikan sa tanan niyang buhat nga iyang nahimo.

Salmo 89:16

nga nagdayeg sa imong ngalan sa tibuok nga adlaw, ug nagbayaw sa imong pagkamatarong.

Daniel 9:24

Ang gisugo mahitungod sa imong katawhan ug sa imong balaang siyudad, sa paghuman sa kalapasan ug sa pagtapos sa mga sala, ug sa paghimo sa pagtabon alang sa kasal-anan, ug sa pagdala sa walay kataposang pagkamatarong, ug sa pagmatuod sa panan-awon ug sa propeta, ug pagdihog sa labing balaan nga dapit, 70 ka pito ka tuig.

Levitico 23:15

“Pag-ihap kamo sugod sa adlaw human sa adlaw nga igpapahulay, sugod sa adlaw nga magdala kamo sa binangan sa halad nga binayaw, hangtod sa ikapito nga adlaw nga igpapahulay.

Levitico 25:7

Alang sa imong mga baka ug sa kahayopan nga anaa sa imong yuta, ang tanan nga bunga niini mahimong kaonon.

Levitico 25:9

Unya patingoga ug kusog ang trumpeta sa ikanapulo nga adlaw sa ikapito nga bulan, sa Adlaw sa Pagtabon sa Sala, patingoga ninyo ang trumpeta ngadto sa tibuok ninyong yuta.

Numeros 36:4

Ug sa diha nga ang tuig sa kalipay sa katawhan sa Israel moabot na, ang ilang panulundon madugang ngadto sa panulundon sa banay diin sila mahisakop busa ang ilang panulundon kuhaon gikan sa panulundon sa banay sa among katigulangan.”