Levitico 25:6

Ang Biblia 2011

Ang mga bunga sa tuig sa pagpahulay sa yuta mahimo nga pagkaon ninyo, alang kanimo ug sa imong mga ulipon nga lalaki ug babaye, ug sa imong mga sinuholan ug sa mga dumuduong nga magpuyo uban kanimo.

Cross References

2 Mga Hari 19:29

“Ug kini mao ang ilhanan kanimo: karong tuiga magkaon kamo sa abot nga wala ipugas ug sa ikaduha nga tuig, niadtong motubo sa mao gihapon, ug sa ikatulo nga tuig magpugas kamo, mag-ani ug magtanom ug mga paras, ug kaonon ninyo ang bunga niini.

Exodo 23:11

apan sa ikapitong tuig papahulayon ninyo kini ug pasagdan nga walay pugas, aron ang mga kabos sa inyong katawhan makakaon, ug unsay mahibilin nila maoy kaonon sa mga ihalas nga mananap. Buhata usab ninyo kini sa inyong parasan ug sa inyong olibo.

Levitico 25:20

Kon moingon kamo, ‘Unsa may among kaonon sa ikapito nga tuig kon dili kami makapugas o mag-ani sa among mga abot?’

Levitico 25:21

Magpadala unya ako sa akong panalangin kaninyo sa ikaunom nga tuig, ug kini magpabunga alang sa tulo ka tuig.

Levitico 25:5

Kadtong moturok sa inyong yuta gikan sa kaugalingon niini ayaw ninyo aniha ug ang mga paras sa inyong parasan nga wala kapul-ongi ayaw ninyo pupoa. Kini tuig sa balaan nga pahulay alang sa yuta.

Levitico 25:7

Alang sa imong mga baka ug sa kahayopan nga anaa sa imong yuta, ang tanan nga bunga niini mahimong kaonon.

Mga Buhat 2:44

Ug ang tanang mituo nagkahiusa ug ang tanang butang gisalohan sa tanan.

Mga Buhat 4:32

Ug ang pundok sa mga mituo nagkahiusa sa kasingkasing ug hunahuna, ug walay miingon nga iya rang kaugalingon ang bisan unsang mga butang nga iyang gipanag-iya, kondili ilang gisalohan ang tanan nilang butang.