Levitico 25:29

Ang Biblia 2011

“Kon ang usa ka tawo magbaligya ug balay nga puluy-anan sulod sa lungsod nga pinaril, siya makahimo sa paglukat niini sulod sa tibuok nga tuig human kini ikabaligya, kay sa tibuok nga tuig may katungod siya sa paglukat niini.

Cross References

Genesis 24:55

Unya ang igsoon nga lalaki ug ang inahan ni Rebecca miingon, “Tugoti nga ang dalaga magpabilin kanamo sa makadiyot, bisan napulo lamang ka adlaw ug human niini makalakaw na siya.”

Levitico 25:28

Apan kon siya dili makaabot aron ulian niya ang nakapalit, ang iyang gibaligya magpabilin sa kamot sa nakapalit niini hangtod sa tuig sa kalipay, ug sa tuig sa kalipay kini iuli kaniya ug siya mopauli ngadto sa iyang kaugalingong yuta.

Levitico 25:30

Kon kini dili malukat sulod sa usa ka tuig, ang balay nga anaa sa sulod sa lungsod nga pinaril mahimo na nga iyaha na gayod sa nakapalit niini hangtod sa iyang mga kaliwatan; kini dili mauli sa tuig sa kalipay.

Levitico 27:14

“Sa diha nga ang usa ka tawo maghalad sa iyang balay aron mabalaan ngadto sa Ginoo, ang pari maghatag ug bili niini, maayo ba kini o dili. Sumala sa pagbili sa pari niini, mao na kini.