Levitico 25:2

Ang Biblia 2011

“Sultihi ang katawhan sa Israel: Sa inyong pagsulod sa yuta nga gihatag nako kaninyo, ang yuta maggahin ug usa ka pahulay alang sa Ginoo.

Cross References

2 Cronicas 36:21

aron sa pagtuman sa pulong sa Ginoo pinaagi sa baba ni Jeremias, hangtod nga ang yuta makapahimulos sa iyang mga adlaw nga igpapahulay. Sa tanang mga adlaw nga kini magpabilin nga biniyaan, kini nagtuman sa adlaw nga igpapahulay, sa pagtuman sa 70 ka tuig.

Salmo 115:16

Ang kalangitan mao ang kalangitan sa Ginoo, apan gihatag niya ang yuta ngadto sa mga anak sa mga tawo.

Exodo 23:10

“Sa unom ka tuig magpugas kamo sa inyong yuta ug magtigom sa mga abot niini,

Isaias 8:8

Kini mobanlas ngadto sa Juda; kini mosanap ug mopadayon, moabot hangtod sa liog ug ang pagbukhad sa iyang mga pako molukop sa gilapdon sa imong yuta, O Emmanuel.”

Jeremias 27:5

“Ako, pinaagi sa akong dakong gahom ug sa akong tinuy-od nga bukton, mao ang nagbuhat sa yuta, lakip ang mga tawo ug ang mga mananap nga anaa sa yuta, ug ihatag nako kini ngadto kang bisan kinsa nga matarong sa akong pagtan-aw.

Levitico 14:34

“Sa dihang mosulod kamo sa yuta sa Canaan nga akong gihatag kaninyo aron inyong mapanag-iya ug butangan nako ug agup-op ang usa ka balay sa yuta nga inyong napanag-iya,

Levitico 23:32

Kini alang kaninyo usa ka adlaw nga igpapahulay sa balaan nga pahulay ug maghikaw kamo sa inyong kaugalingon, sa ikasiyam nga adlaw sa bulan, gikan sa gabii hangtod sa sunod nga gabii. Tumana ninyo ang inyong adlaw nga igpapahulay.”

Levitico 25:1

Ang Ginoo miingon kang Moises didto sa Bukid sa Sinai,

Levitico 25:3

Sa unom ka tuig magpugas kamo sa inyong yuta, ug sa unom ka tuig magpul-ong kamo sa inyong parasan ug magpupo sa mga bunga niini.

Deuteronomio 32:49

“Tungasa kining bukira sa Abarim, ang bukid sa Nebo nga anaa sa yuta sa Moab, atbang sa Jerico, ug tan-awa ang yuta sa Canaan nga akong gihatag aron mapanag-iya sa katawhan sa Israel.

Deuteronomio 32:8

Sa diha nga gihatag sa Labing Halangdon ngadto sa mga nasod ang ilang panulundon, sa diha nga gibahinbahin niya ang mga anak sa mga tawo, gibutang niya ang mga utlanan sa mga katawhan sumala sa gidaghanon sa mga anak sa Dios.

Deuteronomio 34:4

Ug miingon kaniya ang Ginoo, “Kini mao ang yuta nga gipanumpa nako kang Abraham, kang Isaac ug kang Jacob, nga ako nag-ingon, ‘Ihatag nako kini sa imong kaliwatan.’ Gipatan-aw ko ikaw niini sa imong mga mata apan dili ikaw makaadto didto.”