Levitico 25:11

Ang Biblia 2011

Ang ika-50 nga tuig mao ang tuig sa kalipay alang kaninyo. Ayaw kamo pagpugas o pag-ani sa moturok sa iyang kaugalingon diha sa yuta, ayaw pamupo sa paras diha sa parasan nga wala kapul-ongi.

Cross References

Isaias 37:30

“Ug kini mao ang ilhanan alang kanimo: niining tuiga kamo magkaon sa moturok sa iyang kaugalingon lamang ug sa ikaduha nga tuig niadtong motubo sa mao gihapon, ug sa ikatulo nga tuig magpugas kamo ug mag-ani, ug magtanom ug mga parasan, ug magkaon sa bunga niini.

Levitico 25:10

Balaanon ninyo ang ika-50 nga tuig ug ipahibalo ninyo ang kagawasan ngadto sa tibuok nga yuta alang sa tanang mga nagpuyo niini. Kini mao ang pagkalipay alang kaninyo, ug mamalik kamo ang matag tawo ngadto sa iyang kaugalingong yuta ug ang matag usa mamalik sa iyang panimalay.

Levitico 25:12

Kay kini tuig sa kalipay, kini balaan alang kaninyo. Ang abot sa yuta maoy inyong kaonon.

Levitico 27:17

Kon ihalad niya ang iyang yuta sukad sa tuig sa kalipay, sumala sa imong gihatag nga bili, mao gayod kini.