Levitico 24:9

Ang Biblia 2011

Kini iya ni Aaron ug sa iyang mga anak nga lalaki ug kaonon nila kini didto sa dapit nga balaan kay kini butang nga labing balaan alang kaniya gikan sa mga halad pinaagi sa kalayo alang sa Ginoo, usa ka lagda nga walay kataposan.”

Cross References

Exodo 27:21

Sulod sa tolda nga tagboanan sa gawas sa tabil nga anaa sa atubangan sa pagpamatuod, si Aaron ug ang iyang mga anak nga lalaki mao ang mag-atiman gikan sa hapon hangtod sa buntag atubangan sa Ginoo. Kini mahimong tulumanon hangtod sa kahangtoran nga tumanon sa katawhan sa Israel ngadto sa ilang mga kaliwatan.

Levitico 10:12

Ug si Moises miingon kang Aaron ug kang Eleasar ug kang Itamar nga mga anak niya nga nahibilin, “Pagkuha kamo ug halad nga pagkaon nga nahibilin sa mga halad sa Ginoo pinaagi sa kalayo ug kaona ninyo kini nga walay patubo duol sa halaran kay kini butang nga labing balaan.

Levitico 10:17

“Nganong wala man ninyo kaona ang halad tungod sa sala diha sa balaang dapit nga kini butang man nga labing balaan ug nga kini gihatag man kaninyo aron pas-anon ninyo ang kasal-anan sa katilingban, aron sa paghimo sa pagtabon sa sala alang kanila sa atubangan sa Ginoo?

Levitico 21:22

Makakaon siya sa pan sa iyang Dios, sa labing balaan ug sa mga balaang butang,

Levitico 24:10

Dihay lalaki nga anak sa usa ka babaye nga Israelinhon ug ang iyang amahan usa ka Ehiptohanon nga mikuyog sa katawhan sa Israel. Ug ang lalaki nga anak sa Israelinhon nga babaye ug ang usa ka lalaki nga Israelinhon nag-away didto sa kampo.

Levitico 3:17

Kini usa ka tulumanon nga dayon alang sa inyong mga kaliwatan, sa tanan ninyong mga puluy-anan, aron dili kamo magkaon ug tambok o dugo.”

Levitico 6:11

Unya huboon niya ang iyang mga bisti ug magsul-ob siya ug lain nga mga bisti ug dad-on niya ang abo ngadto sa gawas sa kampo, ngadto sa dapit nga hinlo.

Levitico 6:16

Ug ang nahibilin niini kaonon ni Aaron ug sa iyang mga anak nga lalaki. Kini kaonon nga walay patubo diha sa dapit nga balaan, sa hawanan sa tolda nga tagboanan kini kaonon nila.

Levitico 6:9

“Sugoa si Aaron ug ang iyang mga anak nga lalaki sa pag-ingon: Kini mao ang balaod sa halad nga sunogon. Ang halad nga sunogon kinahanglang magpabilin sa ibabaw sa halaran sa tibuok nga gabii hangtod sa buntag ug ang kalayo sa halaran kanunay nga magdilaab niini.

Levitico 8:3

Unya tigoma ang tibuok nga katilingban didto sa pultahan sa tolda nga tagboanan.”

Levitico 8:31

Ug si Moises miingon kang Aaron ug sa iyang mga anak nga lalaki, “Lutoa ninyo ang unod didto sa pultahan sa Tolda nga Tagboanan ug kaonon ninyo kini didto uban sa mga pan nga anaa sa bukag sa halad alang sa paggahin ingon nga ako nagsugo nga nag-ingon, ‘Si Aaron ug ang iyang mga anak nga lalaki magkaon niini.’

Malaquias 1:12

Apan kamo nagpasipala niini sa dihang miingon kamo nga ang lamisa sa Ginoo hugaw, ug ang pagkaon niini mabugalbugalan.

Mateo 12:4

Misulod siya sa balay sa Dios ug mikaon sa mga pan nga gihalad diha sa halaran bisan supak sa balaod ang pagkaon niya niini ug sa iyang mga kauban kay kini alang man lamang sa mga pari.

Marcos 2:26

Sa dihang si Abiatar mao pa ang labawng pangulong pari, si David misulod sa balay sa Dios ug mikaon sa pan nga gibutang sa atubangan sa Dios, ug nanghatag usab siya niini ngadto sa iyang mga kauban bisan ug supak sa balaod ang pagkaon niini ni bisan kinsa gawas sa mga pari lamang.”

Lucas 6:4

naunsa nga misulod man siya sa balay sa Dios ug mikuha ug mikaon sa pan nga hinalad ug nanghatag usab niini ngadto kanila nga uban kaniya nga supak man unta sa balaod ang pagkaon niini ni bisan kinsa gawas sa mga pari?”

1 Samuel 21:6

Busa ang pari mihatag kaniya sa balaan nga pan kay walay laing pan didto gawas sa pan nga nahimutang sa atubangan sa Dios, nga gikuha gikan sa atubangan sa Ginoo, aron ilisan ug init nga pan sa adlaw nga kini kuhaon.