Levitico 24:6

Ang Biblia 2011

Ibutang kini sa duha ka laray, unom sa matag laray, ibabaw sa lamisa nga lunsayng bulawan atubangan sa Ginoo.

Cross References

1 Mga Hari 7:48

Gipahimo usab ni Solomon ang tanang mga galamiton nga diha sa balay sa Ginoo: ang bulawang halaran, ang lamisang bulawan alang sa pan nga gihalad sa atubangan sa Dios,

2 Cronicas 13:11

Sila maghalad ngadto sa Ginoo matag buntag ug matag gabii, mga halad nga sunogon ug humot nga insenso, magpahimutang sa pan nga gihalad didto sa lamisa nga lunsayng bulawan ug mag-atiman sa bulawan nga lamparahan aron ang iyang mga lampara magsiga matag gabii kay among gituman ang sugo sa Ginoo nga atong Dios apan kamo mibiya kaniya.

2 Cronicas 4:19

Busa gihimo ni Solomon ang tanang butang nga diha sa balay sa Dios, ang bulawan nga halaran, ang mga lamisa alang sa pan nga ibutang sa atubangan sa Dios,

Nehemias 10:33

alang sa pan nga ibutang sa halaran, sa nagpadayon nga halad nga pagkaon, sa nagpadayong halad nga sunogon, sa mga adlaw nga igpapahulay, sa mga bag-ong subang sa bulan, sa gitakda nga mga kasaulogan, sa mga butang nga balaan, ug sa mga halad alang sa sala aron sa paghimo ug pagtabon sa sala sa Israel ug alang sa tanang mga buhat sa balay sa among Dios.

Nehemias 10:34

Kami nagparipa, ang mga pari, ang mga Levihanon ug ang katawhan, alang sa halad nga kahoy, aron dad-on kini ngadto sa balay sa among Dios, sumala sa mga panimalay sa among mga katigulangan sa mga panahon nga gitakda matag tuig, sa pagsunog diha sa ibabaw sa halaran sa Ginoo nga among Dios, sumala sa nasulat sa balaod.

Exodo 25:30

Ug ang pan nga ihalad sa akong atubangan ibutang ibabaw sa lamisa sa akong atubangan sa kanunay.

Exodo 39:36

ang lamisa ug ang tanan nga kasangkapan niini ug ang pan nga gipahimutang sa atubangan sa Dios,

Ezequiel 41:22

usa ka halaran nga kahoy, tulo ka maniko ang gihabogon, ug duha ka maniko ang gitas-on ug duha ka maniko ang gilapdon, ug ang kanto niini ug ang sukaranan niini, ug ang mga bungbong niini, hinimo sa kahoy. Ug siya miingon kanako, “Mao kini ang lamisa nga anaa sa atubangan sa Ginoo.”

1 Mga Taga-Corinto 14:40

apan kinahanglan nga ang tanang mga butang himoon diha sa kaligdong ug kahusay.

Mga Hebreo 9:2

Kay dihay gitukod nga usa ka tolda, kadtong una, diin didto ang lamparahan ug ang lamisa ug ang mga pan nga gibutang sa atubangan sa Dios, gitawag ug Dapit nga Balaan.