Levitico 24:22

Ang Biblia 2011

Usa lamang ka balaod alang sa dumuduong ug alang sa lumad, kay ako mao ang Ginoo nga inyong Dios.”

Cross References

Exodo 12:49

Usa lamang ang balaod alang sa lumad ug alang sa langyaw nga mopuyo diha kaninyo.”

Levitico 17:10

“Si bisan kinsang tawhana sa banay sa Israel o sa mga dumuduong nga nagpuyo sa taliwala nila nga magkaon sa bisan unsa nga dugo, akong ipaatubang ang akong nawong batok nianang tawhana nga magkaon ug dugo ug ipahimulag nako siya gikan sa iyang katawhan.

Levitico 19:34

Ang dumuduong nga nagpuyo uban kaninyo isipon ninyo ingon nga lumad taliwala ninyo ug higugmaa ninyo siya sama sa inyong kaugalingon, kay kamo langyaw didto sa yuta sa Ehipto. Ako mao ang Ginoo nga inyong Dios.

Levitico 24:23

Ug si Moises misulti sa katawhan sa Israel ug gidala nila kadtong nanunglo ngadto sa gawas sa kampo ug siya gibato nila ug mga bato. Ug ang katawhan sa Israel mibuhat sumala sa gisugo sa Ginoo kang Moises.

Numeros 15:29

Kamo adunay usa lamang ka balaod alang kaniya nga nakabuhat ug bisan unsang kasaypanan nga wala tuyoa, alang sa lumad diha sa katawhan sa Israel ug alang sa langyaw nga nagpuyo uban kanila.

Numeros 9:14

Ug kon magpuyo sa taliwala ninyo ang usa ka langyaw ug magsaulog sa Pagsaylo alang sa Ginoo, buhaton niya kini sumala sa lagda sa Kasaulogan sa Pagsaylo ug sumala sa mga tulumanon niini. Usa lamang ang inyong lagda, alang sa langyaw ug alang sa lumad.”

Deuteronomio 1:16

Ug ako mimando sa inyong mga maghuhukom niadtong panahona, ‘Husaya ninyo ang mga panagbingkil taliwala sa inyong mga kaigsoonan, ug paghukom kamo sa minatarong, tali sa tawo ug sa iyang igsoon o sa langyaw nga uban kaniya.