Levitico 24:15

Ang Biblia 2011

Ug sultihi ang katawhan sa Israel: Si bisan kinsa nga magsulti ug pasipala batok sa iyang Dios magpas-an sa iyang sala.

Cross References

1 Mga Hari 21:10

ug pagbutang ug duha ka daotang tawo atbang kaniya ug papasakaa sila ug sumbong batok kaniya nga mag-ingon, ‘Ikaw nagtunglo sa Dios ug sa hari.’ Unya dad-a siya sa gawas ug batoa siya hangtod mamatay.”

Exodo 20:7

“Ayaw gamita sa walay kapuslanan ang ngalan sa Ginoo nga imong Dios kay ang Ginoo dili mag-isip nga walay sala niadtong naggamit sa walay kapuslanan sa iyang ngalan.

Exodo 22:28

“Ayaw kamo pagsulti ug daotan batok sa Dios o magtunglo sa tigdumala sa inyong katawhan.

Levitico 18:21

Ayaw ihatag ang bisan usa sa imong mga anak aron ihalad sila pinaagi sa kalayo ngadto kang Molec ug sa ingon gipasipalahan nimo ang ngalan sa imong Dios. Ako mao ang Ginoo.

Levitico 5:1

“Kon adunay tawo nga makasala ingon nga siya nakadungog man ug tawag sa pagsaksi, ug nga bisan tuod siya saksi, kay nakakita man siya o nahibalo apan siya dili mosulti, siya magpas-an sa iyang sala.

Numeros 9:13

Apan ang tawo nga hinlo ug wala mopanaw sa layo, kon magdumili siya sa pagsaulog sa Pagsaylo, ang maong tawo ipahimulag gikan sa iyang katawhan tungod kay wala siya maghalad sa iyang halad alang sa Ginoo sa gitakdang panahon niini; ang maong tawo magpas-an sa iyang sala.