Levitico 24:11

Ang Biblia 2011

Ang lalaki nga anak sa babaye nga Israelinhon mipasipala sa Ngalan ug nanunglo. Ug gidala nila siya ngadto kang Moises. Ang iyang inahan ginganlan ug Selomit, anak ni Debri, sa banay ni Dan.

Cross References

2 Samuel 12:14

Bisan pa niana, tungod niining buhata, ikaw nagpasipala sa Ginoo, mamatay ang bata nga matawo kanimo.”

1 Mga Hari 21:10

ug pagbutang ug duha ka daotang tawo atbang kaniya ug papasakaa sila ug sumbong batok kaniya nga mag-ingon, ‘Ikaw nagtunglo sa Dios ug sa hari.’ Unya dad-a siya sa gawas ug batoa siya hangtod mamatay.”

1 Mga Hari 21:13

Ug ang duha ka daotang tawo miabot ug milingkod atbang kaniya. Ug ang mga daotang tawo mipasaka ug sumbong batok kaniya sa atubangan sa katawhan nga nag-ingon, “Si Nabot nagtunglo sa Dios ug sa hari.” Busa gidala nila siya ngadto sa gawas sa siyudad ug gibato siya hangtod nga namatay.

2 Mga Hari 18:30

Ayaw itugot nga si Hesekias maghimo kaninyo nga mosalig sa Ginoo sa pag-ingon, Ang Ginoo magluwas gayod kanato ug kining siyudad dili ihatag ngadto sa kamot sa hari sa Asiria.’

2 Mga Hari 18:35

Kinsa ba sa mga dios sa tanan nga kayutaan nga nakaluwas sa ilang yuta gikan sa akong kamot, nga ang Ginoo magluwas sa Jerusalem gikan sa akong kamot?’ ”

2 Mga Hari 18:37

Unya si Eliakim nga anak ni Hilkias, ang sinaligan sa panimalay ug si Sibna nga sekretaryo ug si Joas nga anak ni Asaf, ang tiglista, miabot ngadto kang Hesekias, gisi ang ilang mga bisti ug nagsugilon kaniya sa mga pulong sa Rabsakes.

2 Mga Hari 19:10

“Kini mao ang isulti ninyo kang Hesekias nga hari sa Juda, ‘Ayaw himoa nga ang imong Dios nga inyong gisaligan maglimbong kanimo pinaagi sa pagsaad nga ang Jerusalem dili ihatag ngadto sa kamot sa hari sa Asiria.

2 Mga Hari 19:22

“Kinsa ang imong gihagit ug gipasipalahan? Batok kang kinsa ba ikaw nagpatugbaw sa imong tingog ug nagpataas sa imong mga mata? Batok sa Balaan sa Israel!

2 Mga Hari 19:6

si Isaias miingon kanila, “Sultihi ang inyong agalon, ‘Kini mao ang giingon sa Ginoo: Ayaw kahadlok sa mga pulong nga imong nadungog nga pinaagi niini ang mga sulugoon sa hari sa Asiria nagpasipala kanako.

Job 1:11

Apan bakyawa karon ang imong kamot, ug tandoga ang tanan nga anaa kaniya, ug siya magpasipala kanimo nganha sa imong nawong.”

Job 1:22

Niining tanan si Job wala makasala o magpasangil sa Ginoo ug sayop.

Job 1:5

Ug sa molabay na ang mga adlaw sa ilang mga pagsaulog, si Job magpaadto ug magbalaan kanila, ug mosayo siya pagmata inigkabuntag ug maghalad ug mga halad nga sunogon, sumala sa gidaghanon nilang tanan kay miingon si Job, “Tingali ug nakasala ang akong mga anak, ug nagpasipala sa Dios diha sa ilang mga kasingkasing.” Mao kini ang himoon ni Job sa kanunay.

Job 2:5

Apan bakyawa karon ang imong kamot ug tandoga ang iyang bukog ug ang iyang unod ug siya magpasipala kanimo nganha sa imong nawong.”

Salmo 74:18

Hinumdomi kini, O Ginoo, giunsa sa mga kaaway sa pagpakaulaw, ug ang buangbuang nga katawhan nagpasipala sa imong ngalan.

Salmo 74:22

Tindog, O Dios, labani ang imong katungod; hinumdomi giunsa sa buangbuang nga tawo pagtamay kanimo sa tibuok nga adlaw!

Exodo 18:22

Ug sila ang pahukma sa katawhan sa tanang panahon ug ang tanang dagkong butang ilang dad-on nganha kanimo, apan sa mga gagmayng butang, sila ang pahukma. Busa sayon na lang alang kanimo, ug sila magpas-an sa kabug-at uban kanimo.

Exodo 18:26

Ug sila naghukom sa katawhan sa tanang panahon. Ang mga lisod nga butang gidala nila ngadto kang Moises apan sa bisan unsang gamay nga butang, sila ang naghukom.

Exodo 20:7

“Ayaw gamita sa walay kapuslanan ang ngalan sa Ginoo nga imong Dios kay ang Ginoo dili mag-isip nga walay sala niadtong naggamit sa walay kapuslanan sa iyang ngalan.

Exodo 22:28

“Ayaw kamo pagsulti ug daotan batok sa Dios o magtunglo sa tigdumala sa inyong katawhan.

Exodo 3:15

Ang Dios miingon usab kang Moises, “Mao kini ang isulti nimo sa katawhan sa Israel, ‘Si Yahweh,, ang Dios sa inyong mga katigulangan, ang Dios ni Abraham, ang Dios ni Isaac ug ang Dios ni Jacob, nagsugo kanako nganhi kaninyo.’ Kini mao ang akong ngalan hangtod sa kahangtoran ug mao nga mahinumdoman ako sa tanang kaliwatan.

Isaias 8:21

Sila molatas sa yuta nga hilabihan ka masulub-on ug gutom, ug kon sila gutom, sila mangasuko ug manunglo sa ilang hari ug sa ilang Dios, ug ihangad nila ang ilang mga nawong sa itaas.

Levitico 24:10

Dihay lalaki nga anak sa usa ka babaye nga Israelinhon ug ang iyang amahan usa ka Ehiptohanon nga mikuyog sa katawhan sa Israel. Ug ang lalaki nga anak sa Israelinhon nga babaye ug ang usa ka lalaki nga Israelinhon nag-away didto sa kampo.

Mateo 26:65

Ug ang labawng pangulong pari migisi sa iyang mga bisti ug miingon, “Nagsulti siya ug pasipala! Nganong magkinahanglan pa kita ug mga saksi? Nakadungog kamo karon sa iyang pagpasipala.

Roma 2:24

Kay sumala sa nasulat, “Tungod kaninyo ang ngalan sa Dios gipasipad-an taliwala sa mga Gentil.”

1 Timoteo 1:13

bisan pa nga kaniadto ako tigpasipala ug tigpanglutos ug mabiaybiayon, apan gikaluy-an ako kay sa akong pagkawalay pagtuo gibuhat nako kadto nga walay kahibalo.

Gipadayag 16:11

ug ilang gipasipalahan ang Dios sa langit tungod sa ilang mga kasakit ug sa ilang mga kabahong ug wala nila hinulsoli ang ilang mga binuhatan.

Gipadayag 16:21

Ug dihay pag-ulan ug dagkong yelo nga tagsa ka talanton ang gibug-aton, nangatagak gikan sa langit ngadto sa mga tawo. Ug ang Dios gibalikas sa mga tawo tungod sa katalagman sa pag-ulan ug yelo. Hilabihan gayod ka makalilisang ang maong katalagman.