Levitico 23:40

Ang Biblia 2011

Sa unang adlaw magkuha kamo ug mga pungpong sa mga bunga sa kahoy nga anindot, mga sanga sa mga palmera, ug mga sanga sa mga kakahoyan nga dahonon, ug mga tangbo sa sapa, ug magkalipay kamo sa atubangan sa Ginoo nga inyong Dios sulod sa pito ka adlaw.

Cross References

Salmo 137:2

Sa ibabaw sa kakahoyan didto gipamitay namo ang among mga lira.

Salmo 92:12

Ang matarong molambo sama sa palmera, ug motubo sama sa cedro sa Lebanon.

Isaias 35:10

Ug ang mga linukat sa Ginoo mobalik, ug moadto sa Zion uban ang pag-awit; ug ang kalipay nga walay kataposan anha sa ibabaw sa ilang mga ulo; sila makabaton sa kasadya ug kalipay ug ang kasubo ug panghupaw mangahanaw.

Isaias 44:4

Sila manubo sama sa balili, taliwala sa katubigan, sama sa mga tangbo diha sa nagdagayday nga kasapaan.

Isaias 66:10

“Paglipay kamo uban sa Jerusalem, ug pagmaya alang kaniya, kamong tanan nga nahigugma kaniya; pagsadya uban kaniya diha sa kalipay, kamong tanan nga nagsubo tungod kaniya

Levitico 23:39

“Apan sa ikanapulo ug lima nga adlaw sa ikapito nga bulan, sa diha nga makatigom kamo ug abot sa yuta, himoa ninyo ang kasaulogan sa Ginoo sulod sa pito ka adlaw. Ang unang adlaw usa ka pahulay nga balaan ug ang ikawalo nga adlaw usa ka pahulay nga balaan.

Levitico 23:41

Himoon ninyo ang kasaulogan alang sa Ginoo sulod sa pito ka adlaw sa tuig. Kini usa ka lagda hangtod sa kahangtoran ngadto sa inyong mga kaliwatan. Himoon ninyo kini sa ikapito nga bulan.

Mateo 21:8

Ug ang dakong panon sa mga tawo namukhad sa ilang mga bisti diha sa dalan ug ang uban namutol ug mga sanga sa mga kahoy ug gihanig kini sa dalan.

Juan 12:13

Busa nanguha sila ug mga palwa sa palmera ug nangadto sila aron sa pagsugat kaniya ug naninggit, “Hosanna! Dalaygon ang mianhi sa ngalan sa Ginoo, ang Hari sa Israel!”

Juan 16:22

Ug busa, kamo usab may kasubo karon apan makigkita ra ako kaninyo pag-usab, ug unya ang inyong mga kasingkasing malipay ug wala unyay bisan kinsa nga mokuha sa inyong kalipay gikan kaninyo.

Roma 5:11

Ug dili lamang kay kini ra, kondili nga nagmalipayon usab kita diha sa Dios pinaagi sa atong Ginoong Jesu-Cristo, nga pinaagi kaniya nadawat nato karon ang pasig-uli.

Deuteronomio 12:12

Ug paglipay kamo sa atubangan sa Ginoo nga inyong Dios, kamo ug ang inyong mga anak nga lalaki, ug ang inyong mga anak nga babaye, ug ang inyong mga ulipon nga lalaki ug ang inyong mga ulipon nga babaye, ug ang Levihanon nga anaa sa inyong mga lungsod kay siya walay bahin o panulundon uban kaninyo.

Deuteronomio 12:7

Ug didto pangaon kamo sa atubangan sa Ginoo nga inyong Dios ug paglipay kamo ug ang inyong panimalay, diha sa tanan ninyong gimbuhaton nga gipanalangin kaninyo sa Ginoo nga inyong Dios.

Mga Taga-Filipos 3:3

Kay kita mao ang mga tinuli, kita nagsimba sa Espiritu sa Dios, ug nagpasigarbo diha kang Cristo Jesus ug wala magsalig sa unod.

Mga Taga-Filipos 4:4

Paglipay kamo kanunay diha sa Ginoo; usbon nako pag-ingon, paglipay kamo.

1 Pedro 1:8

Bisan tuod ug kamo wala makakita kaniya, kamo nahigugma, ug bisan pa nga wala kamo makakita kaniya, kamo nagtuo ug nangalipay sa dili ikaasoy nga kalipay ug puno sa himaya.

Gipadayag 7:9

Human niini akong nakita ang usa ka dakong panon sa katawhan nga walay bisan kinsa nga makaihap, gikan sa tanang kanasoran, gikan sa tanang kabanayan ug katawhan ug pinulongan, nagtindog sa atubangan sa trono ug sa atubangan sa Nating Karnero, nagsul-ob ug puti nga bisti nga tag-as ug nagkupot ug mga palwa sa palmera,