Levitico 23:39

Ang Biblia 2011

“Apan sa ikanapulo ug lima nga adlaw sa ikapito nga bulan, sa diha nga makatigom kamo ug abot sa yuta, himoa ninyo ang kasaulogan sa Ginoo sulod sa pito ka adlaw. Ang unang adlaw usa ka pahulay nga balaan ug ang ikawalo nga adlaw usa ka pahulay nga balaan.

Cross References

Exodo 23:16

Kinahanglan nga himoon ninyo ang Kasaulogan sa Pag-ani sa mga unang bunga sa inyong mga paghago, sa inyong gipugas sa uma. Ug himoa ninyo ang Kasaulogan sa Paghipos sa Abot sa kataposan sa tuig, sa dihang hiposon ninyo gikan sa uma ang bunga sa inyong mga paghago.

Levitico 23:24

“Sultihi ang katawhan sa Israel: Sa ikapito nga bulan, sa unang adlaw sa bulan maoy usa ka balaan nga pahulay alang kaninyo, usa ka balaang panagtigom nga saulogon pinaagi sa pagpatingog sa mga trumpeta.

Levitico 23:34

“Sultihi ang katawhan sa Israel: Sa ikanapulo ug lima nga adlaw niining ikapito nga bulan ug sulod sa pito ka adlaw mao ang Kasaulogan sa mga Balongbalong ngadto sa Ginoo.

Levitico 23:36

Pito ka adlaw kamo nga maghalad ug halad pinaagi sa kalayo alang sa Ginoo. Sa ikawalo nga adlaw paghimo kamo ug usa ka balaan nga panagtigom ug paghalad ug usa ka halad pinaagi sa kalayo alang sa Ginoo; kini usa ka balaan nga panagtigom. Dili kamo magbuhat ug buluhaton nga bug-at.

Levitico 23:38

Kini wala pay labot sa mga adlaw nga igpapahulay sa Ginoo ug sa inyong mga gasa ug sa tanang mga halad nga gipanaad ninyo ug sa tanan ninyong mga halad nga kinabubut-on nga ihatag ninyo sa Ginoo.

Levitico 23:40

Sa unang adlaw magkuha kamo ug mga pungpong sa mga bunga sa kahoy nga anindot, mga sanga sa mga palmera, ug mga sanga sa mga kakahoyan nga dahonon, ug mga tangbo sa sapa, ug magkalipay kamo sa atubangan sa Ginoo nga inyong Dios sulod sa pito ka adlaw.

Deuteronomio 16:13

“Ug himoa ang Kasaulogan sa mga Balongbalong sulod sa pito ka adlaw, sa dihang matigom na ninyo ang mga ani gikan sa inyong giokanan ug sa inyong pug-anan sa ubas.