Levitico 23:34

Ang Biblia 2011

“Sultihi ang katawhan sa Israel: Sa ikanapulo ug lima nga adlaw niining ikapito nga bulan ug sulod sa pito ka adlaw mao ang Kasaulogan sa mga Balongbalong ngadto sa Ginoo.

Cross References

1 Mga Hari 12:32

Unya si Jeroboam nagtakda ug usa ka kasaulogan sa ikanapulo ug lima nga adlaw sa ikawalo nga bulan, sama sa kasaulogan nga didto sa Juda ug siya naghalad ibabaw sa halaran, sama sa gihimo niya didto sa Betel, naghalad ngadto sa mga nating baka nga iyang gibuhat. Ug iyang gipahimutang sa Betel ang mga pari sa mga habog nga dapit nga iyang gibuhat.

1 Mga Hari 8:2

Ug ang tanang mga tawo sa Israel nagtigom sa ilang kaugalingon ngadto kang Hari Solomon sa adlaw sa kasaulogan sa bulan sa Etanim nga mao ang ikapito nga bulan.

1 Mga Hari 8:65

Busa si Solomon naghimo sa kasaulogan niadtong panahona, ug ang tibuok Israel uban kaniya, sa usa ka dakong katilingban gikan sa ganghaan sa Hamath ngadto sa sapa sa Ehipto, sa atubangan sa Ginoo nga atong Dios, pito ka adlaw.

Esdras 3:4

Ug ilang gihimo ang Kasaulogan sa mga Balongbalong ingon nga kini nasulat ug gihalad ang matag adlaw nga mga halad nga sunogon nga inihap sumala sa tulumanon, sumala sa gikinahanglan sa matag adlaw.

Nehemias 8:14

Ug ila kining nakita nga nasulat diha sa Balaod nga ang Ginoo nagsugo pinaagi kang Moises nga ang katawhan sa Israel kinahanglang magpuyo sa mga balongbalong sa panahon sa kasaulogan sa ikapito nga bulan.

Exodo 23:16

Kinahanglan nga himoon ninyo ang Kasaulogan sa Pag-ani sa mga unang bunga sa inyong mga paghago, sa inyong gipugas sa uma. Ug himoa ninyo ang Kasaulogan sa Paghipos sa Abot sa kataposan sa tuig, sa dihang hiposon ninyo gikan sa uma ang bunga sa inyong mga paghago.

Exodo 34:22

Tumana ang Kasaulogan sa mga Semana, ang unang mga abot sa trigo, ug ang Kasaulogan sa Pag-ani sa kataposan sa tuig.

Ezequiel 45:25

Sa ikapito nga bulan, sa ikanapulo ug lima nga adlaw sa bulan, panahon sa kasaulogan, himoon niya ang samang pangandam alang sa halad tungod sa sala, sa halad nga sunogon ug sa mga halad nga pagkaon, ug sa lana.

Levitico 23:33

Ang Ginoo miingon kang Moises,

Levitico 23:42

Magpuyo kamo diha sa mga balongbalong sulod sa pito ka adlaw, ang tanan nga lumad diha sa Israel magpuyo sa mga balongbalong,

Levitico 23:43

aron mahibalo ang inyong mga kaliwatan nga gipapuyo nako sa mga balongbalong ang katawhan sa Israel, sa diha nga gikuha nako sila gikan sa yuta sa Ehipto. Ako mao ang Ginoo nga inyong Dios.”

Numeros 29:12

“Sa ikanapulo ug lima nga adlaw sa ikapito nga bulan, kamo maghimo ug usa ka balaan nga panagtigom; dili kamo magbuhat ug bug-at nga buluhaton ug magsaulog kamo alang sa Ginoo sulod sa pito ka adlaw.

Juan 1:14

Ug ang Pulong nahimong tawo ug mipuyo uban kanato ug atong nakita ang iyang himaya, ang himaya nga iyang nadawat gikan sa Amahan ingon nga bugtong Anak, puno sa grasya ug kamatuoran.

Juan 7:2

Unya nagsingabot na ang kasaulogan sa mga Judio sa mga Balongbalong.

Deuteronomio 16:16

“Sa makatulo sa usa ka tuig ang tanan ninyong mga lalaki kinahanglang magpakita sa atubangan sa Ginoo nga inyong Dios, sa dapit nga pilion niya: sa Kasaulogan sa mga Pan nga Walay Patubo, sa Kasaulogan sa mga Semana ug sa Kasaulogan sa mga Balongbalong. Ug kinahanglang dili sila magpakita nga walay dala sa atubangan sa Ginoo.

Deuteronomio 31:10

Ug si Moises nagsugo kanila nga nag-ingon, “Human sa matag pito ka tuig, sa gitakdang panahon sa tuig sa pagpahigawas, sa Kasaulogan sa mga Balongbalong,

Mga Hebreo 11:13

Diha sa pagtuo kini silang tanan nangamatay nga wala makadawat sa mga gisaad kanila, apan gikan sa layo sila makakita niini ug nahinangop ug miila nga sila mga dumuduong ug mga langyaw lamang dinhi sa yuta.

Mga Hebreo 11:9

Tungod sa pagtuo siya mipuyo didto sa yuta sa saad, nga daw diha siya sa laing yuta, nagpuyo siya sa mga tolda uban kang Isaac ug Jacob nga mga manununod sa mao rang saad uban kaniya.