Levitico 23:32

Ang Biblia 2011

Kini alang kaninyo usa ka adlaw nga igpapahulay sa balaan nga pahulay ug maghikaw kamo sa inyong kaugalingon, sa ikasiyam nga adlaw sa bulan, gikan sa gabii hangtod sa sunod nga gabii. Tumana ninyo ang inyong adlaw nga igpapahulay.”

Cross References

Nehemias 13:19

Sa dihang misugod na sa pagngitngit diha sa mga ganghaan sa Jerusalem sa wala pa ang adlaw nga igpapahulay, ako misugo nga ang mga pultahan takpan ug misugo nga kini dili buksan hangtod sa pagkatapos sa adlaw nga igpapahulay. Ug akong gipahimutang ang pipila sa akong mga alagad didto sa mga ganghaan aron nga wala nay palas-anon nga dad-on panahon sa adlaw nga igpapahulay.

Salmo 35:13

Apan ako, sa dihang nasakit sila, nagbisti ako ug sako, gisakit nako ang akong kalag pinaagi sa pagpuasa, Nag-ampo ako nga nagduko ang ulo,

Salmo 51:17

Ang halad nga dawaton sa Dios mao ang espiritu nga mapaubsanon; ang usa ka mapaubsanon ug mahinulsolon nga kasingkasing, O Dios, dili nimo isalikway.

Isaias 57:15

Kay kini mao ang giingon sa taas ug sa Usa nga halangdon nga nagpuyo sa walay kataposan, nga ang ngalan Balaan: “Ako nagpuyo sa habog ug balaan nga dapit, ug uban usab kaniya nga may mahinulsolon ug mapaubsanon nga espiritu, aron sa pagpabuhi sa espiritu sa mapaubsanon, ug aron sa pagpabuhi sa kasingkasing sa mahinulsolon.

Isaias 61:3

sa paghatag ngadto sa nagsubo didto sa Zion— sa paghatag kanila ug purongpurong nga bulak inay abo, lana sa kalipay inay pagsubo, bisti sa pagdayeg inay luya nga espiritu; aron sila tawgon nga mga dagkong kahoy sa pagkamatarong, ang gitanom sa Ginoo, aron siya himayaon.

Levitico 16:29

“Kini mahimong usa ka lagda hangtod sa kahangtoran alang kaninyo. Sa ikapito nga bulan, sa ikanapulo nga adlaw sa bulan, hikawi ninyo ang inyong mga kaugalingon ug ayaw kamo pagbuhat ug bisan unsa, lumad man o dumuduong nga nagpuyo sa taliwala kaninyo,

Levitico 16:31

Kini maoy usa ka adlaw nga igpapahulay sa balaan nga pahulay alang kaninyo ug hikawi ninyo ang inyong mga kaugalingon. Kini maoy usa ka lagda nga walay kataposan.

Levitico 23:27

“Apan sa ikanapulo nga adlaw niining ikapito nga bulan mao ang Adlaw sa Pagtabon sa Sala. Kini mao ang panahon sa balaan nga panagtigom ug hikawi ninyo ang inyong kaugalingon ug paghalad kamo ug halad pinaagi sa kalayo alang sa Ginoo.

Levitico 23:31

Dili kamo magbuhat ug bisan unsa nga buluhaton, kini usa ka lagda hangtod sa kahangtoran hangtod sa inyong kaliwatan diha sa tanan ninyong mga puluy-anan.

Levitico 23:33

Ang Ginoo miingon kang Moises,

Mateo 5:4

“Bulahan ang mga masulob-on kay sila lipayon.

1 Mga Taga-Corinto 11:31

Apan kon kita nakasusi sa atong kaugalingon, kita dili na hukman.

Mga Hebreo 4:11

Busa kinahanglan nga manglimbasog gayod kita sa pagsulod sa maong pahulay, aron walay usa kanato nga mapukan tungod sa samang panag-ingnan sa pagkamasupilon.

Mga Hebreo 4:3

Kay kita nga nagtuo nakasulod sa maong pahulay, sumala sa iyang gisulti, “Ingon nga akong gipanumpa tungod sa akong kapungot, ‘Dili gayod sila makasulod sa akong pahulay,’ ” bisan ug ang iyang mga buhat nahuman na sukad pa sa pagkatukod sa kalibotan.