Levitico 23:30

Ang Biblia 2011

Si bisan kinsa nga magbuhat ug bisan unsa nga buluhaton niining adlawa ipahimulag gikan sa iyang katawhan.

Cross References

Genesis 17:14

Ug ang lalaki nga wala matuli ang iyang yamis ipahimulag gikan sa iyang katawhan. Siya naglapas sa akong kasabotan.”

Jeremias 15:7

Gialig-ig nako sila pinaagi sa igpapalid diha sa mga ganghaan sa yuta; gipasubo nako sila, akong gilaglag ang akong katawhan; wala sila mobiya sa ilang mga pamaagi.

Ezequiel 14:9

Ug kon ang propeta malingla ug siya makasulti ug usa ka pulong, ako, ang Ginoo, naglingla niana nga propeta, ug tuy-oron nako ang akong kamot batok kaniya, ug laglagon nako siya gikan sa taliwala sa akong katawhan nga Israel.

Levitico 20:3

Makigbatok gayod ako sa maong tawo ug ipahimulag nako siya gikan sa taliwala sa iyang katawhan, kay gihatag man niya ang usa sa iyang anak ngadto kang Molec, naghugaw sa akong balaan nga dapit ug nagpasipala sa akong balaan nga ngalan.

Levitico 23:29

Kay si bisan kinsa nga dili maghikaw sa iyang kaugalingon niining adlawa, ipahimulag gikan sa iyang katawhan.

Levitico 23:31

Dili kamo magbuhat ug bisan unsa nga buluhaton, kini usa ka lagda hangtod sa kahangtoran hangtod sa inyong kaliwatan diha sa tanan ninyong mga puluy-anan.

Sofonias 2:5

Alaot kamo nga mga nagpuyo sa kabaybayonan, kamo nga nasod sa mga Keretihanon! Ang pulong sa Ginoo batok kaninyo, O Canaan, ang yuta sa mga Filistihanon; ikaw laglagon nako, hangtod nga wala nay nagpuyo nga mahibilin.

1 Mga Taga-Corinto 3:17

Kon adunay moguba sa templo sa Dios, siya gub-on sa Dios. Kay ang templo sa Dios balaan, kana mao kamo.