Levitico 23:27

Ang Biblia 2011

“Apan sa ikanapulo nga adlaw niining ikapito nga bulan mao ang Adlaw sa Pagtabon sa Sala. Kini mao ang panahon sa balaan nga panagtigom ug hikawi ninyo ang inyong kaugalingon ug paghalad kamo ug halad pinaagi sa kalayo alang sa Ginoo.

Cross References

Esdras 8:21

Unya ako nagpahibalo ug usa ka pagpuasa didto sa suba sa Ahava, aron kami magpaubos sa among kaugalingon sa atubangan sa among Dios, sa pagpangita gikan kaniya sa usa ka tul-id nga dalan alang kanamo, alang sa among mga kabataan ug sa tanan namong kabtangan.

Salmo 35:13

Apan ako, sa dihang nasakit sila, nagbisti ako ug sako, gisakit nako ang akong kalag pinaagi sa pagpuasa, Nag-ampo ako nga nagduko ang ulo,

Exodo 30:10

Sa ibabaw sa mga sungaysungay kinahanglan nga si Aaron maghimo ug pagtabon sa mga sala makausa sa matag tuig. Pinaagi sa dugo sa halad tungod sa sala alang sa pagtabon sa mga sala, siya maghimo ug pagtabon sa mga sala alang niini makausa sa matag tuig sa tanan ninyong kaliwatan. Kini labing balaan alang sa Ginoo.”

Isaias 58:5

Mao ba kini ang pagpuasa nga akong gipili: usa ka adlaw alang sa tawo aron magpaubos sa iyang kaugalingon? Kini aron ba nga iduko niya ang iyang ulo sama sa bugang, ug magbukhad sa bisti nga sako ug abo sa ilalom niya? Tawgon ba nimo kini nga pagpuasa, ug usa ka adlaw nga kahimut-an sa Ginoo?

Levitico 16:11

“Unya ihalad ni Aaron ang torong baka ingon nga halad tungod sa sala alang sa iyang kaugalingon ug himoon niya ang pagtabon sa sala alang sa iyang kaugalingon ug alang sa iyang panimalay ug patyon niya ang torong baka ingon nga halad tungod sa sala alang sa iyang kaugalingon.

Levitico 16:15

“Unya patyon niya ang kanding nga alang sa halad tungod sa sala alang sa katawhan, ug dad-on niya ang dugo ngadto sa sulod sa tabil ug buhaton niya sa dugo niini ang sama sa iyang gibuhat sa dugo sa torong baka, ug iwisik kini sa ibabaw sa tabon ug sa atubangan sa tabon.

Levitico 16:16

Sa ingon niini himoon niya ang pagtabon sa sala alang sa dapit nga balaan, tungod sa mga kahugawan sa katawhan sa Israel ug tungod sa ilang mga kalapasan ug sa tanan nilang mga sala. Sa samang paagi himoon usab niya kini alang sa tolda nga tagboanan nga nahimutang sa taliwala nila, sa kinataliwad-an sa ilang mga kahugawan.

Levitico 16:24

Unya ligoon niya ang iyang lawas sa tubig didto sa dapit nga balaan ug isul-ob niya ang iyang mga bisti ug mogula siya ug ihalad niya ang iyang halad nga sunogon ug ang halad nga sunogon sa katawhan ug maghimo siya sa pagtabon sa sala alang sa iyang kaugalingon ug alang sa katawhan.

Levitico 23:26

Ang Ginoo miingon kang Moises,

Levitico 23:28

Ug dili kamo magbuhat ug bisan unsang buluhaton niining adlawa kay kini ang adlaw sa pagtabon sa sala, himoon ang pagtabon sa sala alang kaninyo sa atubangan sa Ginoo nga inyong Dios.

Levitico 25:9

Unya patingoga ug kusog ang trumpeta sa ikanapulo nga adlaw sa ikapito nga bulan, sa Adlaw sa Pagtabon sa Sala, patingoga ninyo ang trumpeta ngadto sa tibuok ninyong yuta.

Zacarias 12:10

“Ug ibubo nako ibabaw sa balay ni David ug sa mga nagpuyo sa Jerusalem ang espiritu sa kaluoy ug sa pagpangamuyo, aron nga sa dihang motan-aw sila kaniya nga ilang giduslak, sila magsubo tungod kaniya, sama sa magsubo tungod sa bugtong niyang anak ug maghilak pag-ayo tungod kaniya, sama sa maghilak tungod sa iyang panganay nga anak.

Mga Buhat 27:9

Ug sa milabay na ang taas nga panahon ug kuyaw na ang paglawig tungod kay ang tingpuasa milabay na man, si Pablo mitambag kanila

Santiago 4:9

Pagkaguol ug pagbangutan ug panghilak kamo! Ang inyong katawa himoa nga pagbangutan ug ang inyong kalipay himoa nga kasubo.