Levitico 23:24

Ang Biblia 2011

“Sultihi ang katawhan sa Israel: Sa ikapito nga bulan, sa unang adlaw sa bulan maoy usa ka balaan nga pahulay alang kaninyo, usa ka balaang panagtigom nga saulogon pinaagi sa pagpatingog sa mga trumpeta.

Cross References

1 Cronicas 15:28

Busa gidala sa tibuok Israel ang sudlanan sa kasabotan sa Ginoo uban sa pagsinggit ug sa tingog sa sungay, sa mga trumpeta ug sa mga piyangpiyang, ug nagtugtog ug lanog nga honi pinaagi sa mga alpa ug mga lira.

2 Cronicas 5:13

Katungdanan sa mga tigpatingog sa trumpeta ug sa mga mag-aawit ang pagpatugbaw sa ilang tingog nga maghiusa sa pagdayeg ug pagpasalamat sa Ginoo, ug sa diha nga napatugbaw na ang awit uban sa mga trumpeta ug sa mga piyangpiyang ug sa ubang mga tulunggon sa pagdayeg sa Ginoo, “Kay siya maayo, kay ang iyang gugmang walay paglubad nagpadayon hangtod sa kahangtoran,” ang balay, ang balay sa Ginoo nalukop sa panganod,

Esdras 3:6

Sukad sa unang adlaw sa ikapito nga bulan misugod sila sa paghalad sa mga halad nga sunogon alang sa Ginoo. Apan ang patukoranan sa Templo sa Ginoo wala pa ikapahimutang.

Nehemias 8:2

Ug gidala ni Ezra nga pari ang Balaod sa atubangan sa katilingban, mga lalaki ug mga babaye ug ang tanan nga makadungog nga may pagpanabot, sa unang adlaw sa ikapito nga bulan.

Salmo 89:15

Bulahan ang katawhan nga nahibalo sa malipayong singgit, nga naglakaw, O Ginoo, diha sa kahayag sa imong nawong;

Salmo 98:6

Uban sa mga trumpeta ug tingog sa sungay, panghugyaw kamo sa tingog nga malipayon sa atubangan sa Hari, ang Ginoo!

Isaias 27:13

Ug nianang adlawa ang usa ka dakong trumpeta patingogon, ug kadtong mga nangawala sa yuta sa Asiria ug kadtong giabog ngadto sa yuta sa Ehipto manganhi ug magsimba sa Ginoo diha sa balaang bukid sa Jerusalem.

Levitico 23:23

Ang Ginoo miingon kang Moises,

Levitico 25:9

Unya patingoga ug kusog ang trumpeta sa ikanapulo nga adlaw sa ikapito nga bulan, sa Adlaw sa Pagtabon sa Sala, patingoga ninyo ang trumpeta ngadto sa tibuok ninyong yuta.

1 Mga Taga-Corinto 15:52

sa kalit, sa usa ka pagpamilok, inigtingog na sa kataposang trumpeta kay ang trumpeta patingogon, ug ang mga patay banhawon nga dili na madunot, ug kita mangausab.

1 Mga Taga-Tesalonica 4:16

Kay ang Ginoo gayod mao ang manaog gikan sa langit uban sa pagmando, ug uban sa tingog sa pangulong anghel, ug uban sa tingog sa trumpeta sa Dios. Ug unya ang mga nangamatay diha kang Cristo mouna sa pagpamangon.