Levitico 23:21

Ang Biblia 2011

Himoa ninyo ang pagpahibalo nianang adlawa, paghimo kamo ug usa ka balaan nga panagtigom. Dili kamo magbuhat ug bug-at nga buluhaton. Kini usa ka lagda hangtod sa kahangtoran diha sa tanan ninyong mga puluy-anan hangtod sa tanan ninyong kaliwatan.

Cross References

Genesis 17:7

Ug himoon nako ang akong kasabotan tali kanako ug kanimo ug sa imong mga kaliwat sunod kanimo sa tanan nilang kaliwatan alang sa usa ka kasabotan nga dayon aron ako mahimong Dios nganha kanimo ug sa imong kaliwatan sunod kanimo.

Exodo 27:21

Sulod sa tolda nga tagboanan sa gawas sa tabil nga anaa sa atubangan sa pagpamatuod, si Aaron ug ang iyang mga anak nga lalaki mao ang mag-atiman gikan sa hapon hangtod sa buntag atubangan sa Ginoo. Kini mahimong tulumanon hangtod sa kahangtoran nga tumanon sa katawhan sa Israel ngadto sa ilang mga kaliwatan.

Isaias 11:10

Nianang adlawa ang gamot ni Jesse magtindog ingon nga usa ka bandila sa mga katawhan. Kaniya mangita ang mga nasod, ug ang iyang puluy-anan mahimong mahimayaon.

Levitico 23:14

Ayaw kamo pagkaon ug pan o lugas nga sinanglag o uhay nga hilaw hangtod niining adlawa, hangtod nga mahalad na ninyo ang halad alang sa inyong Dios. Kini usa ka lagda hangtod sa kahangtoran ngadto sa inyong mga kaliwatan sa tanan ninyo nga puluy-anan,

Levitico 23:2

“Sultihi ang katawhan sa Israel: Ang gitakda nga mga kasaulogan sa Ginoo nga inyong ipahibalo ingon nga balaan nga mga panagtigom, ang akong mga kasaulogan nga gitakda mao kini.

Levitico 23:20

Ang pari magbayaw niini ingon nga halad nga binayaw sa atubangan sa Ginoo uban ang pan gikan sa unang abot ug ang duha ka nating karnero, kini balaan ngadto sa Ginoo alang sa pari.

Levitico 23:25

Dili kamo magbuhat ug bug-at nga buluhaton; paghalad kamo ug halad pinaagi sa kalayo alang sa Ginoo.”

Levitico 23:31

Dili kamo magbuhat ug bisan unsa nga buluhaton, kini usa ka lagda hangtod sa kahangtoran hangtod sa inyong kaliwatan diha sa tanan ninyong mga puluy-anan.

Levitico 23:4

“Kini mao ang gitakda nga mga kasaulogan sa Ginoo, ang mga panagtigom nga balaan nga ipahibalo ninyo sa panahon nga gitakda kini.

Levitico 23:7

Sa unang adlaw paghimo kamo ug usa ka balaan nga panagtigom, dili kamo magbuhat ug bug-at nga buluhaton.

Levitico 3:17

Kini usa ka tulumanon nga dayon alang sa inyong mga kaliwatan, sa tanan ninyong mga puluy-anan, aron dili kamo magkaon ug tambok o dugo.”

Numeros 18:23

Apan ang mga Levihanon magbuhat sa pag-alagad sa tolda nga tagboanan ug sila magdala sa ilang pagkadaotan. Kini mao ang walay kataposan nga balaod hangtod sa inyong mga kaliwatan, ug sila dili makaangkon ug panulundon diha sa katawhan sa Israel.

Deuteronomio 16:11

Ug paglipay kamo sa atubangan sa Ginoo nga inyong Dios, kamo ug ang inyong anak nga lalaki ug ang inyong anak nga babaye, ang inyong ulipon nga lalaki ug ang inyong ulipon nga babaye, ang Levihanon nga anaa sa inyong mga lungsod, ug ang langyaw, ug ang wala nay amahan ug ang biyuda nga anaa uban kaninyo, didto sa dapit nga pilion sa Ginoo nga inyong Dios aron papuy-an sa iyang ngalan.