Levitico 23:17

Ang Biblia 2011

Gikan sa inyong mga puluy-anan magdala kamo ug duha ka pan nga bayawon, gikan sa harina nga duha sa napulo ka bahin sa epha, kini hinimo sa pinong harina, giluto nga adunay patubo, ingon nga gikan sa unang abot alang sa Ginoo.

Cross References

Nehemias 10:37

Ug kami magdala sa una sa among minasa ug sa among mga amot, sa bunga sa matag kahoy, sa bino ug sa lana, ngadto sa mga pari, ngadto sa mga lawak sa balay sa among Dios ug dad-on ang mga ikapulo sa among yuta ngadto sa mga Levihanon kay ang mga Levihanon maoy maningil sa mga ikapulo diha sa tanang kalungsoran.

Exodo 22:29

“Ayaw langana sa paghatag ang inyong mga halad gikan sa kadagaya sa inyong mga abot ug gikan sa mga inawas sa inyong mga pug-anan. “Ihatag ninyo kanako ang kamagulangan sa inyong mga anak.

Exodo 23:16

Kinahanglan nga himoon ninyo ang Kasaulogan sa Pag-ani sa mga unang bunga sa inyong mga paghago, sa inyong gipugas sa uma. Ug himoa ninyo ang Kasaulogan sa Paghipos sa Abot sa kataposan sa tuig, sa dihang hiposon ninyo gikan sa uma ang bunga sa inyong mga paghago.

Exodo 23:19

“Ang una sa mga unang abot sa inyong yuta kinahanglang dad-on ngadto sa balay sa Ginoo nga inyong Dios. “Ayaw pabukali ang nating kanding diha sa gatas sa inahan niini.

Exodo 34:22

Tumana ang Kasaulogan sa mga Semana, ang unang mga abot sa trigo, ug ang Kasaulogan sa Pag-ani sa kataposan sa tuig.

Exodo 34:26

Ang labing maayo sa mga unang abot sa inyong uma dad-on ninyo sa balay sa Ginoo nga inyong Dios. Ayaw pabukali ang nating kanding diha sa gatas sa inahan niini.”

Levitico 2:12

Ingon nga halad sa unang mga abot dad-a ninyo kini ngadto sa Ginoo, apan dili kini ihalad ibabaw sa halaran ingon nga usa ka kahumot.

Levitico 23:10

“Sultihi ang katawhan sa Israel: Sa dihang mosulod na kamo sa yuta nga akong ihatag kaninyo ug mag-ani kamo sa abot niini, dad-a ninyo ngadto sa pari ang usa ka bangan sa unang mga bunga sa inyong pag-ani.

Levitico 23:18

Paghalad kamo uban sa pan, pito ka nating karnero nga tagsa ka tuig ang kagulangon nga walay tatsa ug usa ka laking baka nga nati ug duha ka laking karnero, kini mao ang halad nga sunogon alang sa Ginoo uban sa ilang halad nga pagkaon ug sa ilang mga halad nga ilimnon, usa ka halad pinaagi sa kalayo, usa ka kahumot alang sa Ginoo.

Levitico 7:13

Uban sa iyang inihaw nga halad sa pakigdait alang sa pasalamat, dad-on niya ang iyang halad uban ang mga pan nga may patubo.

Numeros 15:17

Ang Ginoo miingon kang Moises,

Numeros 18:12

Ang tanan sa labing maayo nga lana ug ang tanan nga labing maayo gikan sa bino ug ang gikan sa trigo, ang unang abot niadtong ilang gihatag sa Ginoo, akong gihatag kanimo.

Numeros 18:13

Ang unang hinog nga mga bunga sa tanang mga butang sa ilang yuta nga dad-on nila sa Ginoo, kini imo usab, ang matag usa nga hinlo diha sa imong balay makakaon niini.

Numeros 28:26

“Sa adlaw sa unang mga bunga, sa diha nga maghalad kamo ug bag-o nga halad nga pagkaon alang sa Ginoo sa inyong Kasaulogan sa mga Semana, maghimo kamo ug usa ka balaan nga panagtigom, dili kamo magbuhat ug bug-at nga buluhaton.

Mateo 13:33

Ug misugilon siya kanila ug lain pang sambingay, “Ang gingharian sa langit sama sa patubo nga gikuha sa usa ka babaye ug gisagol niya pagmasa sa tulo ka takos nga harina hangtod nga kini mitubo.”

Roma 8:23

Ug dili lamang ang kabuhatan kondili kita usab gayod nga nakabaton sa unang mga bunga sa Espiritu, nag-agulo sa sulod nato samtang nagpaabot nga sagopon ingon nga mga anak, ang paglukat sa atong mga lawas.

1 Mga Taga-Corinto 15:20

Apan ang tinuod mao nga si Cristo nabanhaw gikan sa mga patay, ang unang bunga gikan sa mga nangamatay.

Santiago 1:18

Sa iyang kaugalingong kabubut-on kita iyang gipahimugso pinaagi sa pulong sa kamatuoran aron kita mahimong sama sa mga unang bunga sa iyang mga binuhat.

Gipadayag 14:4

Mao kini sila ang wala mahugaw tungod sa mga babaye, kay putli man sila; mao kini sila ang mga nagsunod sa Nating Karnero bisan asa siya moadto. Kini sila gilukat gikan sa katawhan ingon nga unang mga bunga alang sa Dios ug alang sa Nating Karnero