Levitico 23:11

Ang Biblia 2011

Bayawon niya ang binangan sa atubangan sa Ginoo, aron kini dawaton alang kaninyo. Sa pagkaugma, human sa adlaw nga igpapahulay ang pari magbayaw niini.

Cross References

Exodo 28:38

Anha kini sa agtang ni Aaron, ug si Aaron magdala sa bisan unsang sala nga nabuhat diha sa halad nga balaan nga gigahin sa katawhan sa Israel ingon nga mga balaang gasa. Kinahanglang anha kini kanunay sa iyang agtang aron sila dawaton sa atubangan sa Ginoo.

Exodo 29:24

Ug ibutang kining tanan sa mga kamot ni Aaron ug sa mga kamot sa iyang mga anak nga lalaki, ug ibayaw kini sa atubangan sa Ginoo ingon nga halad nga binayaw.

Levitico 10:14

Apan ang dughan nga gibayaw ug ang paa nga gihalad kaona ninyo diha sa usa ka dapit nga hinlo, ikaw ug ang imong mga anak nga lalaki ug ang imong mga anak nga babaye uban kanimo, kay kini gihatag ingon nga imong bahin ug sa imong mga anak nga lalaki, gikan sa mga inihaw nga halad sa pakigdait sa katawhan sa Israel.

Levitico 23:10

“Sultihi ang katawhan sa Israel: Sa dihang mosulod na kamo sa yuta nga akong ihatag kaninyo ug mag-ani kamo sa abot niini, dad-a ninyo ngadto sa pari ang usa ka bangan sa unang mga bunga sa inyong pag-ani.

Levitico 23:12

Ug sa adlaw nga ibayaw ninyo ang binangan, paghalad kamo ug usa ka laking karnero nga usa ka tuig ang kagulangon nga walay tatsa ingon nga usa ka halad nga sunogon alang sa Ginoo.

Levitico 9:21

Apan ang mga dughan ug ang tuo nga paa gibayaw ni Aaron ingon nga halad nga binayaw sa atubangan sa Ginoo sumala sa gisugo ni Moises.

Ruth 1:22

Busa si Naomi mipauli ug si Ruth nga Moabihanon nga iyang umagad miuli uban kaniya gikan sa yuta sa Moab. Ug sila miabot sa Betlehem sa pagsugod sa pagpangani sa mga sebada.