Levitico 22:9

Ang Biblia 2011

Busa kinahanglang tumanon gayod nila ang akong tugon aron dili sila makasala tungod niini ug mangamatay kon ilang pasipad-an kini. Ako mao ang Ginoo nga nagbalaan kanila.

Cross References

Exodo 28:43

Ug ipasul-ob kini kang Aaron ug sa iyang mga anak nga lalaki sa dihang mosulod sila sa tolda nga tagboanan o sa diha nga moduol sila sa halaran aron sa pag-alagad diha sa dapit nga balaan aron dili sila magdala ug sala sa ilang kaugalingon, ug mangamatay. Kini mahimong walay kataposan nga tulumanon alang kaniya ug sa iyang kaliwatan sunod kaniya.

Levitico 16:13

Ug ibutang niya ang insenso sa ibabaw sa kalayo sa atubangan sa Ginoo aron ang aso sa insenso motabon sa tabon nga anaa sa ibabaw sa sudlanan sa kasabotan aron siya dili mamatay.

Levitico 16:2

Ang Ginoo miingon kang Moises, “Sultihi si Aaron nga imong igsoon nga dili sa tanan nga panahon siya mosulod sa dapit nga balaan, sa sulod sa tabil sa atubangan sa tabon nga anaa ibabaw sa sudlanan sa kasabotan, aron dili siya mamatay kay ako motungha diha sa panganod sa ibabaw sa tabon.

Levitico 18:30

Busa timan-i gayod ang akong pahimangno nga dili kamo magbuhat sa bisan unsa niining batasana nga dulumtanan nga gibuhat sa mga nahiuna kaninyo, ug ayaw ninyo hugawi ang inyong kaugalingon niining mga butanga. Ako mao ang Ginoo nga inyong Dios.”

Levitico 22:16

nga tungod niana pas-anon nila ang pagkadaotan nga nagdala sa sala, sa diha nga magkaon sila sa mga butang nga balaan, kay ako ang Ginoo nga nagbalaan kanila.”

Numeros 18:22

Ug sukad karon dili moduol ang katawhan sa Israel sa tolda nga tagboanan, kay makadala unya sila ug sala ug mangamatay.

Numeros 18:32

Ug dili kamo magdala ug sala tungod niini, sa dihang maghalad kamo gikan sa labing maayo niini. Ayaw ninyo hugawi ang mga butang nga balaan sa katawhan sa Israel aron dili kamo mangamatay.’ ”

Mateo 23:17

Kamong mga buangbuang nga mga buta! Kay hain bay labaw, ang bulawan o ang Templo ba nga maoy nagbalaan sa bulawan?

Deuteronomio 11:1

“Busa higugmaa ang Ginoo nga imong Dios ug tumana ang iyang pahimangno, ang iyang mga lagda, ang iyang mga tulumanon ug ang iyang mga sugo sa kanunay.