Levitico 22:3

Ang Biblia 2011

Ingna sila, ‘Si bisan kinsa sa tanan ninyong kaliwatan ngadto sa sunod ninyong mga kaliwatan nga moduol sa mga butang nga balaan nga gihalad sa mga anak sa Israel alang sa Ginoo, samtang anaa siya sa pagkahugaw, ang maong tawo ipahimulag gikan sa atubangan nako. Ako mao ang Ginoo.

Cross References

Esdras 8:28

Ug ako miingon kanila, “Kamo balaan alang sa Ginoo ug ang mga kagamitan balaan, ug ang plata ug ang bulawan usa ka halad nga kinabubut-on ngadto sa Ginoo, ang Dios sa inyong mga katigulangan.

Salmo 16:11

Imong gipakita kanako ang dalan sa kinabuhi; diha sa imong atubangan anaa ang kahingpitan sa kalipay; diha sa imong tuong kamot anaa ang kalipay nga walay kataposan.

Salmo 51:11

Ayaw ako isalikway gikan sa imong atubangan, ug ayaw kuhaa ang imong balaang Espiritu gikan kanako.

Exodo 30:33

Si bisan kinsa nga magsagol ug sama niini ug magbutang niini sa usa ka langyaw, ipahimulag siya gikan sa iyang katawhan.’ ”

Levitico 22:2

“Sultihi si Aaron ug ang iyang mga anak nga lalaki nga mag-amping sila sa mga butang nga balaan nga gikan sa katawhan sa Israel nga ilang gihalad alang kanako aron dili nila mapasipalahan ang akong balaan nga ngalan. Ako mao ang Ginoo.

Numeros 19:13

Si bisan kinsa nga makahikap ug minatay, sa lawas sa tawo nga namatay, ug dili siya manghinlo sa iyang kaugalingon naghugaw siya sa Tolda sa Ginoo ug ang maong tawo ipahimulag gikan sa Israel. Tungod kay ang tubig sa paghinlo wala man ikasablig sa ibabaw niya, mahugaw siya ug ang iyang pagkahugaw anaa pa kaniya.

Mateo 25:41

“Unya ang Hari moingon kanila nga diha sa iyang wala, ‘Pahawa gikan kanako, kamong mga tinunglo, ngadto sa kalayong walay kataposan nga gitagana alang sa yawa ug sa iyang mga anghel,

2 Mga Taga-Tesalonica 1:9

Mahiagom unya sila sa silot nga walay kataposang pagkalaglag ug mahilayo gikan sa atubangan sa Ginoo ug gikan sa himaya sa iyang gahom