Levitico 22:23

Ang Biblia 2011

Ang baka nga laki o nating karnero nga adunay kapin nga bahin o kulangan sa iyang mga bahin mahimong ihalad ingon sa halad nga kinabubut-on, apan alang sa halad nga gipaanad kini dili dawaton.

Cross References

Exodo 35:29

Ang tanan nga katawhan sa Israel, mga babaye ug mga lalaki nga gidasig sa ilang mga kasingkasing sa pagdala ug bisan unsa alang sa buluhaton nga gisugo sa Ginoo pinaagi kang Moises aron ilang buhaton, nagdala niini ingon nga ilang kinabubut-ong halad ngadto sa Ginoo.

Levitico 21:18

Kay walay usa nga adunay apan nga moduol, buta man o bakol o nadaot ang nawong o may kapin ang bahin sa lawas,

Levitico 22:22

Ang mananap nga buta o piang o samaron o may nag-agos o nukaon o may kabahong, ayaw kini ihalad sa Ginoo o maghimo gikan niini ug usa ka halad pinaagi sa kalayo ibabaw sa halaran alang sa Ginoo.

Levitico 22:24

Dili kamo maghalad alang sa Ginoo niadtong may mga itlog nga napangos o napigsat o nalangkat o samaron; ayaw ninyo kini ihalad ngadto sa Ginoo o ihalad didto sa inyong yuta.

Malaquias 1:8

Sa dihang maghalad kamo ug mananap nga buta, dili ba kini daotan? Ug sa diha nga maghalad kamo ug piang ug masakiton, dili ba kini daotan? Ihatag ninyo kana sa inyong gobernador; mahimuot ba siya kaninyo o magpakita kaninyo ug kaluoy? nag-ingon ang Ginoo sa mga panon.

Deuteronomio 15:21

Ug kon kini adunay tatsa, kon kini piang o buta, o adunay dakong tatsa, ayaw kini ihalad ngadto sa Ginoo nga imong Dios.

Deuteronomio 17:1

“Ayaw kamo paghalad ug baka o karnero nga adunay tatsa, ngadto sa Ginoo nga inyong Dios bisan unsa nga tatsa, kay kana butang nga dulumtanan sa Ginoo nga inyong Dios.