Levitico 22:20

Ang Biblia 2011

Apan ayaw ninyo ihalad ang bisan unsa nga may tatsa kay kini dili dawaton alang kaninyo.

Cross References

Ezequiel 45:18

“Mao kini ang giingon sa Ginoong Dios: Sa unang bulan, sa unang adlaw sa bulan, magkuha ka ug usa ka batan-ong torong baka nga walay tatsa, ug hinloi ang balaang dapit.

Levitico 1:3

“Kon ang iyang halad usa ka halad nga sunogon nga gikan sa mga baka, ihalad niya ang usa ka laki nga walay tatsa, ihalad niya kini didto sa pultahan sa tolda nga tagboanan aron siya dawaton sa atubangan sa Ginoo.

Levitico 22:24

Dili kamo maghalad alang sa Ginoo niadtong may mga itlog nga napangos o napigsat o nalangkat o samaron; ayaw ninyo kini ihalad ngadto sa Ginoo o ihalad didto sa inyong yuta.

Levitico 22:25

Bisan ang gikan sa kamot sa usa ka langyaw, ayaw kamo paghalad ingon nga pagkaon sa inyong Dios gikan niining mga butanga kay may apan kini sila, kini adunay tatsa, dili kini madawat alang kaninyo.”

Levitico 3:1

“Kon ang iyang halad usa ka inihaw nga halad sa pakigdait, kon siya maghalad gikan sa panon sa mga baka, laki o baye, maoy ihalad niya ang walay tatsa sa atubangan sa Ginoo.

Levitico 3:6

“Kon ang iyang halad inihaw nga halad sa pakigdait alang sa Ginoo gikan sa panon sa karnero, laki o baye, ihalad niya kini nga walay tatsa.

Malaquias 1:8

Sa dihang maghalad kamo ug mananap nga buta, dili ba kini daotan? Ug sa diha nga maghalad kamo ug piang ug masakiton, dili ba kini daotan? Ihatag ninyo kana sa inyong gobernador; mahimuot ba siya kaninyo o magpakita kaninyo ug kaluoy? nag-ingon ang Ginoo sa mga panon.

Numeros 19:2

“Kini mao ang lagda sa balaod nga gisugo sa Ginoo: Sultihi ang katawhan sa Israel nga magdala sila kanimo ug usa ka dumaga nga baka nga pula nga walay tatsa, nga walay buling ug wala pa kasangoni ug yugo.

Numeros 29:8

Apan maghalad kamo ug usa ka halad nga sunogon ngadto sa Ginoo, usa ka kahumot: usa ka nating baka nga laki, usa ka laking karnero, ug pito ka nating karnero nga laki nga tagsa ka tuig ang kagulangon, kinahanglan kini walay tatsa alang kaninyo,

Deuteronomio 15:21

Ug kon kini adunay tatsa, kon kini piang o buta, o adunay dakong tatsa, ayaw kini ihalad ngadto sa Ginoo nga imong Dios.

Deuteronomio 17:1

“Ayaw kamo paghalad ug baka o karnero nga adunay tatsa, ngadto sa Ginoo nga inyong Dios bisan unsa nga tatsa, kay kana butang nga dulumtanan sa Ginoo nga inyong Dios.

Mga Hebreo 9:14

labaw pa gayod ang mahimo sa dugo ni Cristo, nga pinaagi sa Espiritu nga dayon mihalad sa iyang kaugalingon nga walay buling ngadto sa Dios aron sa paghinlo sa atong tanlag gikan sa mga patayng binuhatan aron mag-alagad sa Dios nga buhi.

1 Pedro 1:19

kondili pinaagi sa bililhong dugo ni Cristo, sama sa dugo sa nating karnero nga walay buling o mansa.