Levitico 22:18

Ang Biblia 2011

“Sultihi si Aaron ug ang iyang mga anak nga lalaki ug ang tanan nga katawhan sa Israel: Si bisan kinsang tawhana sa nasod sa Israel o sa mga dumuduong sa Israel nga magdala sa iyang halad, sinaad man kini nga halad o kinabubut-on nga halad nga gihalad alang sa Ginoo ingon nga halad nga sunogon,

Cross References

2 Cronicas 31:14

Ug si Kore nga anak nga lalaki ni Imna nga Levihanon, ang tigbantay sa silangan nga ganghaan, maoy tinugyanan sa mga kinabubut-ong mga halad ngadto sa Dios, sa pagbahinbahin sa mga halad nga gigahin alang sa Ginoo ug sa labing balaan nga mga halad.

Salmo 116:14

magbayad ako sa akong mga panaad sa Ginoo, diha sa atubangan sa tanan niyang katawhan.

Salmo 116:18

Magbayad ako sa akong mga panaad sa Ginoo diha sa atubangan sa tanan niyang katawhan,

Salmo 22:25

Kanimo naggikan ang akong pagdayeg taliwala sa dakong katilingban; akong tumanon ang akong mga saad atubangan sa mga may kahadlok kaniya.

Salmo 56:12

Tumanon gayod nako ang akong mga panaad kanimo, O Dios; ihalad nako kanimo ang mga halad sa pasalamat.

Salmo 61:5

Kay ikaw, O Dios, nakadungog sa akong mga panaad; ikaw naghatag kanako sa panulundon niadtong mga may kahadlok sa imong ngalan.

Salmo 61:8

Sa ingon niini mag-awit ako ug mga pagdayeg sa imong ngalan kanunay, sa dihang magtuman ako sa akong mga panaad matag adlaw.

Salmo 65:1

Ang pagdayeg gitagana kanimo, O Dios, diha sa Zion; ug nganha kanimo himoon ang mga panaad,

Salmo 66:13

Mosulod ako sa imong balay uban ang mga halad nga sunogon, magtuman ako kanimo sa akong mga panaad,

Exodo 12:5

Ang inyong nating karnero kinahanglan nga walay tatsa, laki ug usa ka tuig ang kagulangon. Pilion ninyo kini gikan sa mga karnero o sa mga kanding

Ecclesiastes 5:4

Sa diha nga ikaw mosaad ug usa ka panaad ngadto sa Dios, ayaw paglangan sa pagbayad niini, kay siya dili mahimuot sa mga buangbuang. Bayri unsay imong gisaad.

Levitico 1:10

“Kon ang iyang halad alang sa halad nga sunogon gikan sa panon, sa mga karnero o sa mga kanding, ang iyang ihalad laki nga walay tatsa.

Levitico 1:2

“Sultihi ang katawhan sa Israel, ug ingna sila: Sa diha nga ang usa kaninyo magdala ug halad ngadto sa Ginoo, pagdala kamo sa inyong halad gikan sa kahayopan, gikan sa panon sa mga baka o gikan sa panon sa karnero.

Levitico 17:10

“Si bisan kinsang tawhana sa banay sa Israel o sa mga dumuduong nga nagpuyo sa taliwala nila nga magkaon sa bisan unsa nga dugo, akong ipaatubang ang akong nawong batok nianang tawhana nga magkaon ug dugo ug ipahimulag nako siya gikan sa iyang katawhan.

Levitico 17:13

Ug si bisan kinsang tawhana sa katawhan sa Israel o sa mga dumuduong nga nagpuyo uban kaninyo nga mangayam ug mananap o langgam nga mahimong kaonon, paagason niya ang dugo niini ug tabonan kini sa yuta.

Levitico 22:17

Ang Ginoo miingon kang Moises,

Levitico 23:38

Kini wala pay labot sa mga adlaw nga igpapahulay sa Ginoo ug sa inyong mga gasa ug sa tanang mga halad nga gipanaad ninyo ug sa tanan ninyong mga halad nga kinabubut-on nga ihatag ninyo sa Ginoo.

Levitico 7:16

Apan kon ang iyang inihaw nga halad usa ka sinaad o halad nga kinabubut-on, kini kaonon niya sa adlaw sa iyang paghalad ug ang mahibilin kaonon niya sa adlaw nga mosunod.

Amos 4:5

paghalad ug usa ka halad sa pagpasalamat gikan niadtong may patubo, ug pagsangyaw ug mga halad nga kinabubut-on ug ipahibalo kini; kay mao kini ang buot ninyong buhaton, O katawhan sa Israel!” nag-ingon ang Ginoong Dios.

Jonas 1:16

Unya ang mga tawo nangahadlok sa Ginoo sa hilabihan gayod ug sila naghalad ug inihaw ngadto sa Ginoo, ug naghimo ug mga panaad.

Jonas 2:9

Apan ako uban sa tingog sa pagpasalamat maghalad kanimo; unsay akong gipanaad akong bayran. Ang pagluwas iya sa Ginoo!”

Nahum 1:15

Tan-awa, ibabaw sa kabukiran ang mga tiil niadtong nagdala sa mga maayong balita, nga nagsangyaw sa pakigdait! Himoa ang inyong mga kasaulogan, O Juda, tumana ang inyong mga panaad, kay dili na gayod mosulong kaninyo ang daotan, nalaglag na gayod siya.

Malaquias 1:14

Tinunglo ang limbongan nga adunay laki sa iyang kahayopan ug gipanaad kini apan bisan pa niana naghalad ngadto sa Ginoo sa butang nga may tatsa, kay ako usa ka bantogang Hari, nag-ingon ang Ginoo sa mga panon, ug ang akong ngalan gikahadlokan taliwala sa kanasoran.

Numeros 15:3

ug maghimo kamo ug halad pinaagi sa kalayo alang sa Ginoo, usa ka halad nga inihaw nga sunogon o usa ka halad aron sa pagtuman sa usa ka panaad o ingon sa usa ka halad nga kinabubut-on o sa inyong gitakdang mga kasaulogan aron sa paghimo sa usa ka kahumot alang sa Ginoo gikan sa mga baka o gikan sa mga karnero,

Mga Buhat 18:18

Human niini, si Pablo mipabilin didto sulod sa daghan pang mga adlaw, ug unya nanamilit siya sa mga kaigsoonan ug milawig padulong sa Siria, ug uban kaniya si Priscila ug si Aquila. Didto sa Cencrea giputlan niya ang iyang buhok tungod sa usa ka panaad nga iyang gihimo.

Deuteronomio 12:17

Ayaw ninyo kaona sulod sa inyong mga lungsod ang ikapulo sa inyong trigo, o sa inyong bino, o sa inyong lana o sa mga kamagulangan sa inyong mga baka o sa inyong mga karnero o bisan unsa sa inyong mga halad nga gisaad nga inyong gisaad o sa inyong halad nga kinabubut-on o sa halad nga binayaw sa inyong kamot.

Deuteronomio 12:6

Didto mangadto kamo, ug didto dad-on ninyo ang inyong mga halad nga sunogon, ug ang inyong mga halad nga inihaw, ug ang inyong mga ikapulo ug ang halad nga binayaw sa inyong mga kamot ug ang inyong mga halad nga gisaad ug ang inyong mga halad nga kinabubut-on ug ang mga kamagulangan sa inyong mga baka ug sa inyong mga karnero.

Deuteronomio 16:10

Unya sauloga ninyo ang Kasaulogan sa mga Semana alang sa Ginoo nga inyong Dios uban ang halad nga kinabubut-on sa inyong kamot nga inyong ihatag, ingon nga gipanalanginan kamo sa Ginoo nga inyong Dios.