Levitico 22:13

Ang Biblia 2011

Apan kon ang anak nga babaye sa pari nabiyuda o gibulagan sa bana ug walay anak ug mibalik siya sa balay sa iyang amahan, ingon sa iyang pagkabatan-on, makakaon siya sa pagkaon sa iyang amahan. Apan walay si bisan kinsa nga tagagawas nga makakaon niini.

Cross References

Genesis 38:11

Unya si Juda miingon kang Tamar nga iyang umagad nga babaye, “Pagpabilin nga biyuda sa balay sa imong amahan hangtod nga modako si Sela nga akong anak kay miingon siya, ‘Tingali ug mamatay usab siya sama sa iyang mga igsoon.’ ” Ug si Tamar milakaw ug mipuyo didto sa balay sa iyang amahan.

Esdras 2:63

Ug ang gobernador nagsulti kanila nga dili sila makakaon sa labing balaan nga pagkaon hangtod nga adunay pari nga magpakisayod pinaagi sa Urim ug sa Tumim.

Exodo 12:43

Unya ang Ginoo miingon kang Moises ug kang Aaron, “Kini mao ang tulumanon sa Kasaulogan sa Pagsaylo. Kinahanglan nga walay langyaw nga mokaon niini.

Exodo 29:33

Kaonon nila kadtong mga butang nga pinaagi niini mahimo ang pagtabon sa mga sala, aron sa paggahin ug sa pagbalaan kanila, apan ang langyaw kinahanglan nga dili mokaon niini tungod kay kini balaan.

Ezequiel 44:8

Ug wala ninyo bantayi ang akong mga butang nga balaan, hinuon gitudlo ninyo ang mga langyaw aron magbantay diha sa akong balaang dapit.

Levitico 10:14

Apan ang dughan nga gibayaw ug ang paa nga gihalad kaona ninyo diha sa usa ka dapit nga hinlo, ikaw ug ang imong mga anak nga lalaki ug ang imong mga anak nga babaye uban kanimo, kay kini gihatag ingon nga imong bahin ug sa imong mga anak nga lalaki, gikan sa mga inihaw nga halad sa pakigdait sa katawhan sa Israel.

Levitico 22:10

“Ang tagagawas dili makakaon sa mga butang nga balaan. Ang usa ka dumuduong sa pari o usa ka sinuholan dili makakaon sa butang nga balaan.

Levitico 22:12

Apan kon ang anak nga babaye sa usa ka pari maminyo sa usa ka tawo nga tagagawas, ang maong anak dili makakaon sa mga hinalad gikan sa mga butang nga balaan.

Deuteronomio 24:2

Ug kon molakaw siya ug maasawa sa laing lalaki

1 Samuel 21:7

Karon dihay usa ka tawo sa mga sulugoon ni Saul nga didto niadtong adlawa nga gihawiran sa atubangan sa Ginoo, ug ang iyang ngalan mao si Doeg nga Edomhanon, ang pangulo sa tanang tigbantay sa kahayopan ni Saul.