Levitico 21:7

Ang Biblia 2011

Dili sila mangasawa sa usa ka babaye nga nagbaligya sa dungog o napasipad-an, dili sila mangasawa sa usa ka babaye nga gibulagan sa iyang bana kay ang pari balaan alang sa iyang Dios.

Cross References

Genesis 38:24

Human sa mga tulo ka bulan gipahibalo si Juda, “Si Tamar nga imong umagad nga babaye nagbaligya sa iyang dungog ug siya nagsamkon tungod niini.” Ug si Juda miingon, “Kuhaa ninyo siya ug ipasunog siya.”

Isaias 50:1

Mao kini ang giingon sa Ginoo, “Hain man ang sulat sa pakigbulag sa imong inahan, nga pinaagi niini siya akong gibiyaan? O kinsa sa akong mga gikautangan ang gibaligyaan nako kaninyo? Tan-awa, tungod sa inyong mga kasal-anan nabaligya kamo, ug tungod sa inyong mga paglapas gibiyaan ang inyong inahan.

Ezequiel 44:22

Dili sila mangasawa ug biyuda o kadtong gibulagan sa bana, hinuon maoy pangasaw-on nila ang mga ulay nga kaliwat sa balay sa Israel, o usa ka biyuda nga biyuda sa usa ka pari.

Levitico 21:8

Busa balaanon nimo siya kay siya man ang maghalad sa pan alang sa inyong Dios, balaan siya alang kaninyo, kay ako, ang Ginoo nga nagbalaan kaninyo, balaan.

1 Timoteo 3:11

Ang mga babaye usab kinahanglang magmaligdong, dili tigpanaot ug dungog sa uban kondili mapinugnganon sa kaugalingon ug kasaligan sa tanang mga butang.