Levitico 21:5

Ang Biblia 2011

Dili sila magpaupaw sa ilang ulo o magkiskis sa kilid sa ilang bungot o magsamad sa ilang unod.

Cross References

Isaias 15:2

Mitungas ang mga anak nga babaye sa Dibon ngadto sa habog nga mga dapit aron sa pagbakho; ang Moab nagminatay tungod sa Nebo, ug tungod sa Medeba. Ang tanang ulo upaw, tanang bungot gikiskisan;

Isaias 22:12

Niadtong adlawa ang Ginoong Dios sa mga panon, nag-awhag kaninyo aron sa paghilak ug sa pagminatay, ug sa pagpaupaw ug sa pagsul-ob ug sako;

Jeremias 16:6

Ang mga dagko ug mga gagmay mangamatay dinhi niining yutaa. Dili sila ilubong, ug walay magbangutan alang kanila, o magsamad sa iyang kaugalingon o magpaupaw sa iyang kaugalingon tungod kanila.

Jeremias 48:37

“Kay ang tanang ulo gikiskisan ug ang tanang bungot gibalbasan; ang tanang mga kamot adunay mga samad ug diha sa mga hawak ang bisti nga sako.

Ezequiel 44:20

Dili nila kiskisan ang ilang ulo o patas-on ang ilang mga pungpong sa buhok, putlan lamang nila ang buhok sa ilang mga ulo.

Ezequiel 5:1

“Ug ikaw, anak sa tawo, pagkuha ug usa ka hait nga espada, gamita kini ingon nga labaha sa manunupi, ug kiskisi ang imong ulo ug ang imong bungot, unya pagkuha ug timbangan alang sa pagtimbang ug bahina ang buhok.

Levitico 10:6

Ug si Moises miingon kang Aaron ug kang Eleasar ug kang Itamar nga iyang mga anak, “Ayaw ninyo ipadunghay ang mga buhok sa inyong mga ulo, ayaw usab ninyo gisia ang inyong mga bisti kay tingali unya ug kamo mangamatay, ug aron dili usab moabot ang kaligutgot ngadto sa tibuok nga katilingban. Apan ang inyong mga igsoon, ang tibuok nga katawhan sa Israel, magsubo tungod sa pagsunog nga gibuhat sa Ginoo.

Levitico 21:4

Dili siya maghugaw sa iyang kaugalingon ingon nga usa ka bana diha sa iyang katawhan ug magpakaulaw sa iyang kaugalingon.

Amos 8:10

Ang inyong mga kasaulogan akong himoon nga pagsubo, ug ang tanan ninyong mga awit pagbangutan; dad-an nako ug bisti nga sako ang tanan ninyong mga hawak ug kaupaw sa matag ulo; himoon nako kini nga sama sa pagsubo sa kamatayon alang sa bugtong nga anak, ug ang kataposan niini sama sa usa ka pait nga adlaw.

Miqueas 1:16

Pagpaupaw kamo sa inyong kaugalingon ug putla ang inyong buhok alang sa mga anak sa inyong kalipay; pagpaupaw kamo sama sa agila, kay sila mobiya gikan kaninyo ngadto sa pagkabihag.

Deuteronomio 14:1

“Kamo mao ang mga anak sa Ginoo nga inyong Dios. Ayaw samari ang inyong kaugalingon o kiskisi ang inyong ulo dapit sa agtang tungod sa mga patay.