Levitico 20:9

Ang Biblia 2011

Kay ang tanan nga nagsulti ug pasipala sa iyang amahan o sa iyang inahan, patyon gayod. Kay gipasipad-an man niya ang iyang amahan o ang iyang inahan, siya ra ang sad-an sa iyang kamatayon.

Cross References

2 Samuel 1:16

Ug si David miingon kaniya, “Ang imong dugo maanaa sa ibabaw sa imong ulo kay ang imong baba nagsaksi batok kanimo, nga nag-ingon, ‘Gipatay nako ang dinihogan sa Ginoo.’ ”

1 Mga Hari 2:32

Ug ang Ginoo mopasumbalik sa iyang mga dugoong buhat ngadto sa iyang kaugalingong ulo, tungod kay sa walay pagpahibalo sa akong amahan nga si David, gipatay niya ang duha ka tawo nga matarong ug maayo kay kaniya, nga mao si Abner nga anak ni Ner nga tigmando sa kasundalohan sa Israel ug si Amasa nga anak ni Jeter nga tigmando sa kasundalohan sa Juda.

Exodo 21:17

“Si bisan kinsa nga magtunglo sa iyang amahan o sa iyang inahan, kinahanglan nga patyon.

Mga Panultihon 20:20

Kon ang usa ka tawo magtunglo sa iyang amahan o sa iyang inahan, ang iyang suga palongon diha sa hingpit nga kangitngit.

Mga Panultihon 30:11

Adunay magtunglo sa ilang mga amahan ug dili magpanalangin sa ilang mga inahan.

Mga Panultihon 30:17

Ang mata nga nagyubit sa usa ka amahan ug nagtamay sa pagtuman sa usa ka inahan dagiton sa mga uwak sa walog ug kan-on sa mga agila.

Ezequiel 18:13

nagpatanto ug nagdawat ug tubo, mabuhi ba diay siya? Dili siya mabuhi. Siya nagbuhat niining tanan nga mga dulumtanan, siya mamatay gayod, ang iyang dugo anha kaniya.

Ezequiel 22:7

Diha kanimo gitamay nila ang amahan ug inahan, ang mga langyaw nag-antos sa pagpanapi kanila diha sa imong taliwala, ang mga wala nay amahan ug ang mga biyuda gibuhatan ug sayop diha kanimo.

Levitico 20:16

Kon ang usa ka babaye moduol sa usa ka mananap sa pagpakighilawas niini, ang babaye ug ang mananap patyon ninyo; patyon gayod ninyo sila; sila ra ang sad-an sa ilang kamatayon.

Levitico 20:27

“Ang usa ka lalaki o usa ka babaye nga tigpakisayod sa espiritu o tigsalamangka patyon gayod pinaagi sa pagbato kanila; sila ra ang sad-an sa ilang kamatayon.”

Mateo 15:4

Kay ang Dios nag-ingon, ‘Pasidunggi ang imong amahan ug inahan,’ ug ‘Ang magsulti ug daotan batok sa iyang amahan o inahan, kinahanglang patyon.’

Mateo 27:25

Ug ang tanang mga tawo mitubag nga nag-ingon, “Kami ug ang among mga anak maoy manubag sa iyang dugo.”

Marcos 7:10

Kay si Moises nag-ingon, ‘Tahora ang imong amahan ug ang imong inahan’, ug, ‘Ang magsulti ug daotan batok sa iyang amahan o inahan, kinahanglan gayong patyon.’

Deuteronomio 27:16

“ ‘Tinunglo ang dili motahod sa iyang amahan o sa iyang inahan!’ Ug ang tanang katawhan moingon, ‘Amen!’

Josue 2:19

Ug kon adunay mogula sa mga pultahan sa imong balay ug moadto sa dalan, ang iyang dugo anaa sa iyang ulo ug dili kami mahimong sad-an, apan kon adunay manghilabot kang bisan kinsa nga anaa uban kanimo sa balay, ang iyang dugo paninglon sa among ulo.

Mga Maghuhukom 9:24

nga tungod niana ang kapintas nga nahimo batok sa 70 ka anak ni Jerubaal mapanimaslan, ug ang ilang dugo mahulog sa ibabaw ni Abimelek nga ilang igsoon nga maoy nagpatay kanila, ug sa mga tawo sa Sekem, nga naglig-on sa iyang kamot aron sa pagpatay sa iyang igsoon nga lalaki.