Levitico 20:26

Ang Biblia 2011

Magbalaan kamo alang kanako kay ako, ang Ginoo, balaan, ug naglain kaninyo gikan sa mga katawhan aron mahimong akoa.

Cross References

Nehemias 10:29

mitipon sa ilang mga kaigsoonan, sa ilang mga kadagkoan ug miuyon sila sa usa ka tunglo ug sa usa ka panumpa, sa paglakaw diha sa Balaod sa Dios, nga gihatag ni Moises nga alagad sa Dios, ug sa pagtuman ug sa pagbuhat sa tanang kasugoan sa Ginoo nga atong Ginoo ug sa iyang mga tulumanon ug sa iyang mga lagda.

Salmo 99:5

Bayawa ninyo ang Ginoo nga atong Dios; simba kamo didto sa tumbanan sa iyang mga tiil! Balaan siya!

Salmo 99:9

Bayawa ninyo ang Ginoo nga atong Dios, ug simba kamo didto sa iyang balaan nga bungtod; kay ang Ginoo nga atong Dios balaan!

Exodo 33:16

Kay unsaon man sa pag-ila nga ako nakakaplag ug kahimuot diha sa imong panan-aw, ako ug ang imong katawhan? Dili ba diha sa imong pag-uban kanamo nga kami mahimong lahi, ako ug ang imong katawhan, gikan sa tanang mga katawhan nga ania ibabaw sa yuta?”

Isaias 30:11

pahawa kamo sa agianan, tipas kamo gikan sa dalan, ayaw na kami papamatia sa Balaan sa Israel.”

Isaias 6:3

Ug ang usa mitawag sa usa ug miingon, “Balaan, balaan, balaan ang Ginoo sa mga panon, ang tibuok nga yuta napuno sa iyang himaya.”

Levitico 11:44

Kay ako mao ang Ginoo nga inyong Dios. Balaana ninyo ang inyong kaugalingon ug pagbalaan kamo kay ako balaan man. Ayaw ninyo hugawi ang inyong kaugalingon sa bisan unsa nga mananap nga nagkamang sa ibabaw sa yuta.

Levitico 19:2

“Sultihi ang tibuok nga katilingban sa katawhan sa Israel: Pagbalaan kamo kay ako nga mao ang Ginoo nga inyong Dios balaan.

Levitico 20:24

Apan ako nag-ingon kaninyo, ‘Kamo makapanunod sa ilang yuta, ug ako maghatag kaninyo niini aron inyong mapanag-iya, usa ka yuta diin nag-agas ang gatas ug dugos.’ Ako mao ang Ginoo nga inyong Dios, nga naglain kaninyo gikan sa mga katawhan.

Levitico 20:7

Busa ihalad ang inyong kaugalingon ug pagbalaan kamo kay ako mao ang Ginoo nga inyong Dios.

Levitico 20:8

Ug tumana ninyo ang akong mga lagda, ug buhata kini. Ako mao ang Ginoo nga nagbalaan kaninyo.

Deuteronomio 14:2

Kay kamo usa ka katawhan nga balaan ngadto sa Ginoo nga inyong Dios ug ang Ginoo nagpili kaninyo aron mahimo nga usa ka katawhan alang sa iyang kaugalingong pagpanag-iya gikan sa tanan nga mga katawhan nga anaa sa ibabaw sa nawong sa yuta.

Deuteronomio 7:6

“Kay kamo katawhan nga balaan ngadto sa Ginoo nga inyong Dios; ang Ginoo nga inyong Dios nagpili kaninyo aron mahimong usa ka katawhan nga iyang panag-iyahon gikan sa tanang mga katawhan nga anaa sa yuta.

Tito 2:14

Siya mihatag sa iyang kaugalingon alang kanato aron sa paglukat kanato gikan sa tanang pagkadaotan ug sa pagputli alang sa iyang kaugalingon sa usa ka katawhan nga iya gayod, madasigon sa maayong binuhatan.

Josue 24:19

Apan si Josue miingon sa katawhan, “Dili kamo makaalagad sa Ginoo kay siya balaan nga Dios. Siya Dios nga abubhoan; siya dili mopasaylo sa inyong mga kalapasan o sa inyong mga kasal-anan.

Gipadayag 3:7

“Ug ngadto sa anghel sa iglesia sa Filadelfia, isulat kini: ‘Mao kini ang mga pulong niadtong Balaan ug Matuod nga mao ang nagkupot sa yawi ni David, ang magbukas nga walay makatak-op, ang magtak-op nga walay makabukas.

Gipadayag 4:8

Ug ang upat ka buhing binuhat nga may unom ka pako ang matag usa, nalukop sa mga mata, libot ug sulod niini, ug sa adlaw ug sa gabii wala silay hunong sa pag-awit nga nag-ingon, “Balaan, balaan, balaan, ang Ginoong Dios nga Makagagahom sa Tanan nga mao kaniadto, mao karon ug mao ang umaabot!”