Levitico 20:16

Ang Biblia 2011

Kon ang usa ka babaye moduol sa usa ka mananap sa pagpakighilawas niini, ang babaye ug ang mananap patyon ninyo; patyon gayod ninyo sila; sila ra ang sad-an sa ilang kamatayon.

Cross References

Exodo 19:13

Walay kamot nga mohikap kaniya, kay batoon siya o panaon, mananap man o tawo, dili siya mabuhi.’ Sa diha nga ang trumpeta motingog ug kusog kinahanglan manungas sila sa bukid.”

Exodo 21:28

“Kon ang usa ka lalaki o usa ka babaye sungayon sa usa ka baka hangtod nga mamatay, kinahanglan nga ang baka batoon ug dili kaonon ang unod niini, apan makalingkawas ang tag-iya sa baka.

Exodo 21:32

Kon ang baka makasungay ug ulipon nga lalaki o babaye, ang tag-iya mohatag sa agalon niini ug 30 ka siklo nga plata ug batoon ang baka.

Exodo 22:19

“Si bisan kinsa nga makighilawas sa mananap, kinahanglan nga patyon.

Levitico 18:23

Ayaw pakighilawas sa bisan unsa nga mananap ug maghugaw sa imong kaugalingon pinaagi niini, ug walay si bisan kinsa nga babaye maghatag sa iyang kaugalingon ngadto sa mananap aron sa pagpakighilawas niini. Kini hilabihan ka daotan.

Levitico 20:15

Kon ang usa ka tawo makighilawas sa usa ka mananap, patyon gayod siya ug patyon usab ninyo ang mananap.

Levitico 20:17

“Kon ang usa ka tawo magkuha sa iyang igsoon nga babaye nga anak sa iyang amahan o anak nga babaye sa iyang inahan ug makakita sa iyang kahubo ug ang babaye makakita sa kahubo sa lalaki, ang maong butang makauulaw ug hinginlan sila gikan sa panan-aw sa mga anak sa ilang katawhan. Kay gibuksan man niya ang pagkahubo sa iyang igsoon nga babaye, pas-anon niya ang iyang pagkasad-an.

Mga Hebreo 12:20

Kay sila dili makaantos sa sugo nga gihatag, “Bisan pa gani kon ang usa ka mananap motunob sa bukid, kini kinahanglang batoon.”