Levitico 2:14

Ang Biblia 2011

“Kon maghalad ikaw ug halad nga pagkaon alang sa Ginoo gikan sa unang mga abot, ihalad nimo ingon nga halad nga pagkaon gikan sa imong mga unang abot ang mga dinugmok nga bag-ong lugas gikan sa mga bag-ong ani nga uhay nga gisangag sa kalayo.

Cross References

Genesis 4:3

Ug sa paglabay sa panahon, nahitabo nga si Cain nagdala ngadto sa Ginoo sa iyang halad gikan sa mga abot sa yuta.

2 Mga Hari 4:42

Dihay usa ka tawo nga gikan sa Baal-salisa nga nagdala sa mga unang bunga ngadto sa tawo sa Dios, 20 ka pan nga sebada ug bag-ong inani nga mga uhay sa trigo diha sa iyang sako. Ug si Eliseo miingon, “Hatagi ang katawhan aron sila makakaon.”

Levitico 2:15

Buboi ug lana ang ibabaw niini ug butangi kini ug insenso. Kini usa ka halad nga pagkaon.

Levitico 2:16

Ug ang pari magsunog ug bahin sa mga lugas nga gidugmok ug bahin sa lana niini ingon nga handomanan niini, uban ang tanan nga insenso niini. Kini usa ka halad pinaagi sa kalayo alang sa Ginoo.

Levitico 22:29

Sa diha nga mag-ihaw kamo ug halad sa mga pasalamat alang sa Ginoo, ihalad ninyo kini aron kamo dawaton niya.

Levitico 23:10

“Sultihi ang katawhan sa Israel: Sa dihang mosulod na kamo sa yuta nga akong ihatag kaninyo ug mag-ani kamo sa abot niini, dad-a ninyo ngadto sa pari ang usa ka bangan sa unang mga bunga sa inyong pag-ani.

Levitico 23:13

Ang halad nga pagkaon uban niini, nga duha sa napulo ka bahin sa usa ka epha nga pinong harina nga sinagolan ug lana, ihalad kini pinaagi sa kalayo alang sa Ginoo, usa ka kahumot. Ug ang halad nga ilimnon ikaupat nga bahin sa usa ka hin nga bino.

Levitico 23:20

Ang pari magbayaw niini ingon nga halad nga binayaw sa atubangan sa Ginoo uban ang pan gikan sa unang abot ug ang duha ka nating karnero, kini balaan ngadto sa Ginoo alang sa pari.

Malaquias 1:11

Kay gikan sa pagsubang sa adlaw bisan hangtod sa pagsalop niini, ang akong ngalan bantogan taliwala sa kanasoran ug sa matag dapit ang insenso ihalad alang sa akong ngalan, ug ang ulay nga halad, kay ang akong ngalan bantogan taliwala sa kanasoran, nag-ingon ang Ginoo sa mga panon.

Numeros 28:2

“Sugoa ang katawhan sa Israel ug ingna sila, ‘Ang akong halad, ang akong pan alang sa akong mga halad pinaagi sa kalayo, ang kahumot alang kanako, tumanon ninyo ang paghalad alang kanako sulod sa gitakda nga panahon niini.’

1 Mga Taga-Corinto 15:20

Apan ang tinuod mao nga si Cristo nabanhaw gikan sa mga patay, ang unang bunga gikan sa mga nangamatay.

Deuteronomio 26:2

pagkuha kamo sa una sa tanang bunga sa yuta nga inyong makuha gikan sa inyong yuta nga gihatag kaninyo sa Ginoo nga inyong Dios ug ibutang ninyo kini sa usa ka bukag ug pangadto kamo sa dapit nga pilion sa Ginoo nga inyong Dios aron papuy-on niya didto ang iyang ngalan.

Gipadayag 14:4

Mao kini sila ang wala mahugaw tungod sa mga babaye, kay putli man sila; mao kini sila ang mga nagsunod sa Nating Karnero bisan asa siya moadto. Kini sila gilukat gikan sa katawhan ingon nga unang mga bunga alang sa Dios ug alang sa Nating Karnero