Levitico 2:1

Ang Biblia 2011

“Sa dihang adunay magdala ug halad nga pagkaon alang sa Ginoo, kinahanglan nga ang iyang ihalad pinong harina, ug buboan niya kini ug lana ug butangan niya ug insenso ang ibabaw niini.

Cross References

Exodo 29:2

ug pan nga walay patubo, mga torta nga walay patubo nga sinagolan ug lana, ug mga pan nga nigpis nga walay patubo nga gisagolan ug lana. Himoa kini gikan sa pino nga harina sa trigo.

Isaias 43:23

Ikaw wala magdala alang kanako ug mga karnero alang sa mga halad nga sunogon, o magpasidungog kanako sa imong mga halad. Ako wala magpabug-at kanimo ug mga halad, o maghago kanimo pinaagi sa insenso.

Isaias 66:20

Ug ilang dad-on ang tanan ninyo nga mga kaigsoonan gikan sa tanan nga mga nasod ingon nga usa ka halad ngadto sa Ginoo, diha sa mga kabayo ug sa mga karwahi ug sa mga inatopan nga sakyanan, ug sa mga mula, ug sa mga kamilyo, ngadto sa akong balaan nga bukid nga Jerusalem, nag-ingon ang Ginoo, sa diha nga ang mga Israelinhon maghatod sa ilang halad nga pagkaon diha sa usa ka hinlo nga sudlanan ngadto sa balay sa Ginoo.

Ezequiel 46:20

Ug siya miingon kanako, “Kini mao ang dapit diin pabukalan sa mga pari ang halad tungod sa paglapas ug ang halad tungod sa sala, ug diin lutoon nila ang halad nga pagkaon, aron dili nila kini dad-on ngadto sa gawas nga hawanan ug nga makatakod sa pagkabalaan ngadto sa katawhan.”

Joel 1:9

Ang halad nga pagkaon ug ang halad nga ilimnon gihunong gikan sa balay sa Ginoo. Ang mga pari nagsubo, ang mga alagad sa Ginoo.

Joel 2:14

Kinsa ang nahibalo kon siya dili ba motalikod ug magbasol, ug magbilin ug panalangin sa iyang likod, halad nga pagkaon ug halad nga ilimnon alang sa Ginoo nga inyong Dios?

Levitico 14:10

“Sa ikawalo nga adlaw magkuha siya ug duha ka nating karnero nga laki nga walay tatsa ug usa ka nating karnero nga baye nga usa ka tuig ang kagulangon nga walay tatsa ug halad nga pagkaon nga balig tulo sa napulo ka bahin sa usa ka epha nga pinong harina nga sinagolan ug lana ug usa ka log nga lana.

Levitico 24:7

Ug butangi ug lunsay nga insenso ang ibabaw sa matag laray aron nga kini malakip sa pan ingon nga usa ka handomanan nga ihalad pinaagi sa kalayo ngadto sa Ginoo.

Levitico 5:11

“Apan kon dili siya makaabot sa pagdala ug duha ka tukmo o duha ka kuyabog sa salampati, ingon nga halad tungod sa sala nga iyang nahimo, magdala siya ug ikanapulo nga bahin sa usa ka epha nga pinong harina alang sa halad tungod sa sala. Dili niya kini butangan ug lana o butangan ug insenso kay kini halad tungod sa sala.

Levitico 6:7

Ug ang pari maghimo sa pagtabon sa sala alang kaniya sa atubangan sa Ginoo ug pasayloon siya sa bisan unsa nga mga butang nga tungod niana sad-an siya.”

Levitico 9:17

Ug iyang gihalad ang halad nga pagkaon, ug mihakop siya gikan niini ug gisunog niya kini ibabaw sa halaran dugang sa halad nga sunogon sa buntag.

Levitico 9:4

ug usa ka baka ug usa ka laking karnero alang sa mga halad sa pakigdait nga ihawon ninyo sa atubangan sa Ginoo, ug usab usa ka halad nga pagkaon nga sinagolan ug lana, kay ang Ginoo magpakita karon kaninyo.’ ”

Malaquias 1:11

Kay gikan sa pagsubang sa adlaw bisan hangtod sa pagsalop niini, ang akong ngalan bantogan taliwala sa kanasoran ug sa matag dapit ang insenso ihalad alang sa akong ngalan, ug ang ulay nga halad, kay ang akong ngalan bantogan taliwala sa kanasoran, nag-ingon ang Ginoo sa mga panon.

Numeros 18:9

Kini maimo gikan sa labing balaan nga mga butang, ang gigahin gikan sa kalayo, ang matag halad nila, ang matag halad nga pagkaon nila ug ang matag halad tungod sa sala nila ug ang matag halad sa paglapas nila nga ilang ihatag kanako, kini mahimong labing balaan alang kanimo ug alang sa imong mga anak nga lalaki.

Numeros 28:5

Ug usab ikanapulo nga bahin sa usa ka epha nga pinong harina alang sa usa ka halad nga pagkaon nga sinagolan sa ikaupat nga bahin sa hin nga lana nga piniga.

Numeros 29:18

uban ang mga halad nga pagkaon ug ang halad nga ilimnon alang sa mga torong baka, alang sa mga laking karnero ug alang sa mga nating karnero, sumala sa gidaghanon, subay sa ilang tulumanon,

Numeros 7:13

Ug ang iyang halad usa ka bandihado nga plata, nga ang gibug-aton 130 ka siklo, ug usa ka planggana nga plata nga ang gibug-aton 70 ka siklo, sumala sa siklo sa balaang dapit, ang duha puno sa pinong nga harina nga sinagolan ug lana alang sa halad nga pagkaon,

Numeros 7:19

Ingon nga iyang halad nagdala siya ug usa ka bandihado nga plata nga ang gibug-aton 130 ka siklo ug usa ka planggana nga plata nga ang gibug-aton 70 ka siklo, sumala sa siklo sa balaang dapit, ang duha puno sa pinong harina nga sinagolan ug lana alang sa halad nga pagkaon,

Numeros 8:8

Unya magkuha sila ug usa ka nating baka nga laki ug halad nga pagkaon nga pinong harina nga sinagolan ug lana, ug magkuha ikaw ug lain nga nating baka nga laki alang sa halad tungod sa sala.

Juan 6:35

Si Jesus mitubag kanila, “Ako mao ang pan sa kinabuhi. Siya nga moari kanako dili gutomon, ug siya nga motuo kanako dili gayod uhawon.

1 Juan 2:20

Apan kamo gidihogan na niya nga Balaan, ug kamong tanan nahibalo na.

1 Juan 2:27

hinuon ang pagdihog nga inyong nadawat gikan kaniya nagpabilin diha kaninyo ug kamo wala magkinahanglan nga aduna pay magtudlo kaninyo, ug ingon nga ang iyang pagdihog kaninyo nagtudlo man kaninyo mahitungod sa tanang butang, ug matuod kini ug dili bakak, sumala sa gitudlo niya kaninyo, pabilin kamo diha kaniya.

Judas 1:20

Apan kamo, mga hinigugma, lig-ona ang inyong kaugalingon diha sa inyong labing balaan nga pagtuo, mag-ampo diha sa Espiritu Santo.

Gipadayag 8:3

Ug usa pa ka laing anghel mitungha ug mitindog dapit sa halaran nga nagbitbit ug bulawan nga sudlanan ug insenso, ug gihatagan siya ug daghang insenso aron iuban sa mga pag-ampo sa mga balaan ibabaw sa bulawan nga halaran atubangan sa trono.