Levitico 19:7

Ang Biblia 2011

Kon kaonon gayod kini sa ikatulo nga adlaw, kini mahimong dulumtanan ug kini dili dawaton.

Cross References

Isaias 1:13

Ayaw na pagdala ug mga halad nga walay kapuslanan; ang insenso dulumtanan alang kanako. Ang bag-ong pagsubang sa bulan ug ang adlaw nga igpapahulay ug ang pagtawag sa mga panagtigom— dili ako makaantos sa kasal-anan ug sa balaang panagtigom.

Isaias 65:4

nga naglingkod ibabaw sa mga lubnganan, ug nagpalabay sa kagabhion diha sa tagong mga dapit; nga nagkaon sa unod sa baboy, ug ang sabaw sa mga butang nga dulumtanan anaa sa ilang mga sudlanan;

Isaias 66:3

“Siya nga nagpatay ug usa ka baka sama kaniya nga nagpatay ug usa ka tawo; siya nga naghalad ug usa ka nating karnero sama kaniya nga naglunggo sa liog sa usa ka iro; siya nga naghalad ug halad nga pagkaon sama kaniya nga naghalad ug dugo sa baboy; siya nga naghalad ug insenso alang sa paghandom sama kaniya nga nagpanalangin ug usa ka diosdios. Kini sila nagpili sa ilang kaugalingong mga pamaagi, ug ang ilang kalag nahimuot sa ilang kaugalingong mga dulumtanan;

Jeremias 16:18

Ug baslan nako sa makaduha ang ilang kalapasan ug ang ilang sala tungod kay ilang gihugawhugawan ang akong yuta pinaagi sa mga walay kinabuhi nga lawas sa ilang mga diosdios nga luod, ug ilang gipuno ang akong panulundon sa ilang mga dulumtanan.”

Levitico 19:6

Kaonon kini sa maong adlaw sa inyong paghalad ug sa mosunod nga adlaw. Ug kon may mahibilin hangtod sa ikatulo nga adlaw, sunogon kini sa kalayo.

Levitico 19:8

Ang matag usa nga magkaon niini magpas-an sa iyang sala, kay nagpasipala man siya sa balaang butang sa Ginoo ug kadtong tawhana ipahimulag gikan sa iyang katawhan.

Levitico 22:23

Ang baka nga laki o nating karnero nga adunay kapin nga bahin o kulangan sa iyang mga bahin mahimong ihalad ingon sa halad nga kinabubut-on, apan alang sa halad nga gipaanad kini dili dawaton.

Levitico 22:25

Bisan ang gikan sa kamot sa usa ka langyaw, ayaw kamo paghalad ingon nga pagkaon sa inyong Dios gikan niining mga butanga kay may apan kini sila, kini adunay tatsa, dili kini madawat alang kaninyo.”