Levitico 19:5

Ang Biblia 2011

“Sa diha nga maghalad kamo ug mga halad sa pakigdait ngadto sa Ginoo, ihalad ninyo kini aron kamo dawaton niya.

Cross References

2 Cronicas 31:2

Gitudlo ni Hesekias ang mga hut-ong sa mga pari ug sa mga Levihanon sumala sa ilang pagkabahin, ang matag tawo sumala sa iyang pag-alagad, ang mga pari ug ang mga Levihanon, alang sa mga halad nga sunogon ug sa mga halad sa pakigdait, aron sa pag-alagad diha sa mga ganghaan sa kampo sa Ginoo ug sa paghatag ug mga pagpasalamat ug pagdayeg.

Exodo 24:5

Ug nagpadala siya ug mga batan-ong lalaki sa katawhan sa Israel nga naghalad ug mga halad nga sunogon ug naghalad sila ug mga halad sa pakigdait nga mga baka ngadto sa Ginoo.

Ezequiel 46:12

Sa diha nga ang pangulo mag-andam ug usa ka halad nga kinabubut-on, usa ka halad nga sunogon o mga halad sa pakigdait ingon nga usa ka halad nga kinabubut-on ngadto sa Ginoo, ang ganghaan nga nag-atubang sa silangan buksan alang kaniya, ug siya maghalad sa iyang halad nga sunogon, o sa iyang mga halad sa pakigdait, sama sa iyang buhaton panahon sa adlawng igpapahulay. Unya mogula siya, ug human sa iyang paggula tak-opan ang ganghaan.

Ezequiel 46:2

Ang pangulo mosulod agi sa agianan sa ganghaan nga dapit sa gawas, ug motindog tupad sa haligi sa ganghaan. Ang mga pari maoy maghalad sa iyang halad nga sunogon, ug sa iyang mga halad sa pakigdait, ug siya magsimba didto sa tugkaran sa ganghaan. Ug siya mogula, apan ang ganghaan dili tak-opan hangtod sa gabii.

Levitico 1:3

“Kon ang iyang halad usa ka halad nga sunogon nga gikan sa mga baka, ihalad niya ang usa ka laki nga walay tatsa, ihalad niya kini didto sa pultahan sa tolda nga tagboanan aron siya dawaton sa atubangan sa Ginoo.

Levitico 19:4

Ayaw kamo pagdangop ngadto sa mga larawan ug ayaw usab kamo pagbuhat alang kaninyo ug mga dios nga tinunaw. Ako mao ang Ginoo nga inyong Dios.

Levitico 19:6

Kaonon kini sa maong adlaw sa inyong paghalad ug sa mosunod nga adlaw. Ug kon may mahibilin hangtod sa ikatulo nga adlaw, sunogon kini sa kalayo.

Levitico 22:19

aron dawaton kinahanglang laki kini ug walay tatsa, baka man o karnero o kanding ba hinuon.

Levitico 22:21

Ug si bisan kinsa nga maghalad ug mga halad sa pakigdait alang sa Ginoo aron sa pagtuman ug usa ka panaad o kinabubut-on nga halad gikan sa panon sa baka o sa panon sa karnero, kinahanglan nga kini hingpit aron dawaton; kinahanglan nga walay tatsa.

Levitico 22:23

Ang baka nga laki o nating karnero nga adunay kapin nga bahin o kulangan sa iyang mga bahin mahimong ihalad ingon sa halad nga kinabubut-on, apan alang sa halad nga gipaanad kini dili dawaton.

Levitico 22:29

Sa diha nga mag-ihaw kamo ug halad sa mga pasalamat alang sa Ginoo, ihalad ninyo kini aron kamo dawaton niya.

Levitico 7:16

Apan kon ang iyang inihaw nga halad usa ka sinaad o halad nga kinabubut-on, kini kaonon niya sa adlaw sa iyang paghalad ug ang mahibilin kaonon niya sa adlaw nga mosunod.

Levitico 7:18

Kon may bisan unsa sa unod sa iyang inihaw nga halad sa pakigdait nga kaonon sa ikatulo nga adlaw, ang naghalad niini dili dawaton o isipon nga kini iya sa naghalad niini. Isipon kini nga dulumtanan, ug ang tawo nga magkaon niini magpas-an sa iyang sala.