Levitico 19:35

Ang Biblia 2011

“Ayaw kamo paghimo ug dili matarong nga paghukom, sa mga sukod sa gitas-on, sa gibug-aton o sa gidaghanon.

Cross References

1 Cronicas 23:29

Motabang usab sila diha sa pag-andam sa pan nga ihalad, sa harina alang sa halad nga pagkaon, sa nigpis nga pan nga walay patubo, sa halad nga giluto sa hudno, sa halad nga minasa ug harina ug ang tanang sukod sa gidaghanon ug sa gidak-on.

Mga Panultihon 11:1

Ang dili husto nga timbangan dulumtanan sa Ginoo, apan ang husto nga timbang maoy iyang kalipay.

Mga Panultihon 16:11

Ang husto nga timbangan ug sukdanan iya sa Ginoo; ang tanang mga pabug-at diha sa bag iyang buhat.

Mga Panultihon 20:10

Ang sukwahi nga mga timbangan ug sukwahi nga mga sukdanan managsama nga dulumtanan sa Ginoo.

Ezequiel 45:10

“Kinahanglan nga magbaton kamo ug tukma nga mga timbangan ug matarong nga epha, ug tukma nga bat.

Levitico 19:15

“Ayaw paghimo ug dili makataronganong paghukom; ayaw paglaban sa kabos o magdapig sa tawo nga gamhanan, kondili diha sa pagkamatarong maghukom ikaw sa imong isigkatawo.

Miqueas 6:1

Pamati kamo sa gisulti sa Ginoo: Tindog, ipahayag sa kabukiran ang imong sumbong ug ipadungog sa kabungtoran ang imong tingog.

Mateo 7:2

Kay ang hukom nga inyong ipakanaog mao usab ang ihukom kaninyo, ug ang takos nga inyong ihatag mao usab ang takos nga inyong madawat.

Deuteronomio 25:13

“Kinahanglang walay duha ka matang sa gibug-aton, dako ug gamay diha sa imong bag.

Deuteronomio 25:15

Pagbaton ug timbangan nga tukma ug matarong, tukma ug matarong gayod ang batoni aron lugwayan ang imong mga adlaw sa yuta nga gihatag kanimo sa Ginoo nga imong Dios.