Levitico 19:3

Ang Biblia 2011

Kamong tanan kinahanglang magtahod sa iyang inahan ug sa iyang amahan ug tumana ang akong mga adlaw nga igpapahulay. Ako mao ang Ginoo nga inyong Dios.

Cross References

Genesis 48:12

Ug sila gikuha ni Jose gikan sa iyang mga tuhod ug giyukbo niya ang iyang kaugalingon ngadto sa yuta.

Nehemias 9:14

Ikaw nagpahibalo kanila sa imong balaang adlaw nga igpapahulay ug naghatag kanila ug mga sugo ug kalagdaan ug usa ka Balaod pinaagi kang Moises nga imong alagad.

Exodo 16:29

Tan-awa, ang Ginoo naghatag kaninyo sa adlaw nga igpapahulay ug tungod niini sa ikaunom nga adlaw siya naghatag kaninyo ug pan alang sa duha ka adlaw. Ang matag usa kinahanglang magpabilin sa iyang puluy-anan ug walay si bisan kinsa nga mogawas sa iyang dapit sa ikapito nga adlaw.”

Exodo 20:12

“Tahora ang imong amahan ug ang imong inahan aron mataas ang imong mga adlaw sa yuta nga gihatag kanimo sa Ginoo nga imong Dios.

Exodo 20:8

“Hinumdomi ang adlaw nga igpapahulay aron sa pagbalaan niini.

Exodo 21:15

“Si bisan kinsa nga modagmal sa iyang amahan o sa iyang inahan kinahanglan nga patyon.

Exodo 21:17

“Si bisan kinsa nga magtunglo sa iyang amahan o sa iyang inahan, kinahanglan nga patyon.

Mga Panultihon 1:8

Anak ko, pamatia ang pahimangno sa imong amahan, ug ayaw isalikway ang gitudlo sa imong inahan;

Mga Panultihon 23:22

Pamati sa imong amahan nga nagpakatawo kanimo, ug ayaw tamaya ang imong inahan sa dihang tigulang na siya.

Mga Panultihon 30:11

Adunay magtunglo sa ilang mga amahan ug dili magpanalangin sa ilang mga inahan.

Mga Panultihon 30:17

Ang mata nga nagyubit sa usa ka amahan ug nagtamay sa pagtuman sa usa ka inahan dagiton sa mga uwak sa walog ug kan-on sa mga agila.

Isaias 58:13

“Kon ilikay nimo ang imong tiil gikan sa adlaw nga igpapahulay, gikan sa pagbuhat sa imong kalipay sa akong adlaw nga balaan, ug magtawag sa adlaw nga igpapahulay nga usa ka kahimut-an, ug ang balaan nga adlaw sa Ginoo nga halangdon; kon pasidunggan nimo kini, dili magsubay sa imong mga pamaagi o mangita sa imong kaugalingon nga kalipay, o magsulti sa kaugalingon mong mga pulong,

Ezequiel 20:12

Gihatag usab nako kanila ang akong mga adlawng igpapahulay, aron mahimong usa ka timaan taliwala kanako ug kanila, aron sila makaila nga ako, ang Ginoo, nagbalaan kanila.

Levitico 11:44

Kay ako mao ang Ginoo nga inyong Dios. Balaana ninyo ang inyong kaugalingon ug pagbalaan kamo kay ako balaan man. Ayaw ninyo hugawi ang inyong kaugalingon sa bisan unsa nga mananap nga nagkamang sa ibabaw sa yuta.

Levitico 19:25

Apan sa ikalima nga tuig, kaonon ninyo ang bunga niini aron kini mamunga ug daghan alang kaninyo. Ako mao ang Ginoo nga inyong Dios.

Levitico 19:30

Tumana ninyo ang akong mga adlaw nga igpapahulay ug tahora ninyo ang akong balaang dapit. Ako mao ang Ginoo.

Levitico 19:31

“Ayaw kamo pagdangop sa mga tigpakisayod sa espiritu o sa mga tigsalamangka, ayaw kamo pag-adto kanila, aron mahugawan pinaagi kanila. Ako mao ang Ginoo nga inyong Dios.

Levitico 19:34

Ang dumuduong nga nagpuyo uban kaninyo isipon ninyo ingon nga lumad taliwala ninyo ug higugmaa ninyo siya sama sa inyong kaugalingon, kay kamo langyaw didto sa yuta sa Ehipto. Ako mao ang Ginoo nga inyong Dios.

Levitico 23:3

Unom ka adlaw kamo nga magbuhat sa mga buluhaton, apan ang ikapito nga adlaw usa ka adlaw nga igpapahulay sa balaan nga pagpahulay, ang panagtigom nga balaan. Wala gayoy magbuhat ug bisan unsa nga buluhaton, kini usa ka adlaw nga igpapahulay alang sa Ginoo diha sa tanan ninyong mga puluy-anan.

Levitico 26:2

Matngoni ninyo ang akong mga adlaw nga igpapahulay ug pagbaton kamo ug kataha sa akong balaan nga dapit, ako mao ang Ginoo.

Malaquias 1:6

“Ang usa ka anak nagtahod sa iyang amahan ug ang usa ka sulugoon, sa iyang agalon. Kon ako usa ka amahan, hain man ang akong dungog? Ug kon ako usa ka agalon hain man ang kahadlok kanako? nag-ingon ang Ginoo sa mga panon kaninyo, O mga pari nga nagtamay sa akong ngalan. Kamo nag-ingon, ‘Giunsa namo pagbugalbugal ang imong ngalan?’

Deuteronomio 27:16

“ ‘Tinunglo ang dili motahod sa iyang amahan o sa iyang inahan!’ Ug ang tanang katawhan moingon, ‘Amen!’

Deuteronomio 5:16

“ ‘Tahora ninyo ang inyong amahan ug ang inyong inahan sumala sa gisugo kaninyo sa Ginoo nga inyong Dios aron motaas ang inyong mga adlaw ug aron mamaayo kini kaninyo didto sa yuta nga ihatag kaninyo sa Ginoo nga inyong Dios.

Mga Hebreo 12:9

Dugang pa, aduna kitay yutan-ong mga amahan nga maoy magpanton kanato ug kita nagtahod kanila. Dili ba labaw pa hinuon nga magpailalom kita sa Amahan sa mga espiritu ug mabuhi kita?