Levitico 19:19

Ang Biblia 2011

“Tumana ninyo ang akong mga lagda. Ayaw paliwati ang imong mga hayop ug lainlain nga matang. Ayaw pugsi ug duha ka matang sa binhi ang imong uma. Ayaw usab pagsul-ob ug bisti nga ang panapton binuhat ug duha ka matang.

Cross References

Genesis 36:24

Kini sila mao ang mga anak nga lalaki ni Zibeon: si Aiah ug si Ana. Kini si Ana mao ang nakakaplag sa mga init nga tubod didto sa kamingawan, samtang nagpasibsib siya sa mga asno ni Zibeon nga iyang amahan.

2 Samuel 13:29

Busa ang mga sulugoon ni Absalom mibuhat ngadto kang Amnon sumala sa gisugo ni Absalom. Unya ang tanang mga anak nga lalaki sa hari mitindog, ug ang matag tawo misakay sa iyang mula, ug miikyas.

2 Samuel 18:9

Ug si Absalom sa wala lamang palandonga nakasugat sa mga sulugoon ni David. Si Absalom nagkabayo sa iyang mula ug ang mula miagi ubos sa labong nga mga sanga sa usa ka dakong kahoy ug ang iyang ulo nasangit sa kahoy ug siya nabitay sa taliwala sa langit ug sa yuta ug ang mula nga diha sa ilalom niya mipadayon pagdagan.

1 Mga Hari 1:33

Ug ang hari miingon kanila, “Dad-a uban kaninyo ang mga sulugoon sa inyong agalon, ug pakabay-a si Solomon nga akong anak sa akong kaugalingong mula ug dad-a siya ngadto sa ubos sa Gihon.

Esdras 2:66

Ang ilang mga kabayo, 736. Ang ilang mga mula, 245.

Levitico 18:4

Buhata ninyo ang akong mga tulumanon ug tumana ang akong mga lagda ug subaya ninyo kini. Ako mao ang Ginoo nga inyong Dios.

Levitico 19:37

Ug tumana ninyo ang tanan nakong mga lagda ug ang tanan nakong mga tulumanon ug buhata ninyo kini. Ako mao ang Ginoo.”

Levitico 20:8

Ug tumana ninyo ang akong mga lagda, ug buhata kini. Ako mao ang Ginoo nga nagbalaan kaninyo.

Levitico 22:31

“Busa tumana ninyo ang akong mga sugo ug buhata kini. Ako mao ang Ginoo.

Levitico 25:18

“Busa, buhata ninyo ang akong mga lagda ug tumana ninyo ang akong mga tulumanon ug buhaton ninyo kini ug magpuyo kamo sa yuta nga layo sa kakuyaw.

Lucas 5:36

Gisuginlan usab niya sila ug usa ka sambingay, “Walay tawo nga mogisi ug usa ka bahin gikan sa bag-ong bisti ug itapak kini sa daan nga bisti. Kon iya kanang buhaton, iyang magisi ang bag-o ug ang ginisi gikan sa bag-o dili mobagay sa daan.

Roma 11:6

Apan kon kini pinaagi man sa grasya, dili na kini pinasikad sa mga binuhatan; kay kon mao pa, ang grasya dili na mahimong grasya.

Deuteronomio 4:1

“Ug karon, O Israel, tumana ang mga lagda ug ang mga tulumanon nga akong gitudlo kaninyo, ug buhata kini aron mabuhi kamo, ug mosulod ug manag-iya sa yuta nga gihatag kaninyo sa Ginoo, ang Dios sa inyong mga katigulangan.

Deuteronomio 4:5

Tan-awa, ako nagtudlo kaninyo ug mga lagda ug mga tulumanon sumala sa gisugo kanako sa Ginoo nga akong Dios, aron inyo gayong buhaton didto sa yuta diin maoy inyong sudlan aron sa pagpanag-iya niini.