Levitico 19:17

Ang Biblia 2011

“Ayaw pagdumot sa imong igsoon diha sa imong kasingkasing. Badlonga ang imong isigkatawo, kay tingali unya ug magpas-an ikaw ug sala tungod kaniya.

Cross References

Genesis 27:41

Busa si Esau nagdumot kang Jacob tungod sa panalangin nga gipanalangin kaniya sa iyang amahan ug miingon siya sa iyang kaugalingon, “Duol na ang mga adlaw sa pagbangutan tungod sa akong amahan, unya patyon nako si Jacob nga akong igsoon.”

2 Samuel 13:22

Apan si Absalom wala mosulti kang Amnon sa maayo o sa daotan; kay si Absalom nagdumot kang Amnon tungod kay iyang gilugos ang iyang igsoon nga babaye nga si Tamar.

Nehemias 13:17

Unya ako nakiglalis sa mga kadagkoan sa Juda ug miingon kanila, “Unsa kining daotan nga butang nga inyong gibuhat, nga nagpasipala sa adlaw nga igpapahulay?

Salmo 141:5

Ipahampak o ipabadlong ako sa tawong matarong usa kini ka kaluoy, apan ayaw gayod itugot nga ang lana sa daotan idihog sa akong ulo; kay ang akong pag-ampo kanunay nga batok sa ilang daotang nga buhat.

Mga Panultihon 9:8

Ayaw badlonga ang usa ka mayubiton kay kasilagan ikaw niya; badlonga ang usa ka tawong maalamon, ug siya mahigugma kanimo.

Lucas 17:3

Pagbantay kamo sa inyong kaugalingon. Kon ang imong igsoon makasala, badlonga siya, ug kon siya maghinulsol, pasayloa siya.

Roma 1:32

Kini sila, bisan nasayod sa balaod sa Dios nga ang naghimo niining maong mga butang angay nga patyon, wala lamang maghimo niini kondili miuyon usab kanila nga nagbuhat niini.

1 Mga Taga-Corinto 5:2

Apan kamo nanghambog ug wala hinuon maguol aron unta nga ang nagbuhat niini kuhaon gikan kaninyo.

Mga Taga-Galacia 6:1

Mga igsoon, kon ang usa ka tawo maligas ngadto sa kalapasan, kamong mga espirituhanon kinahanglan nga mopahiuli kaniya uban sa espiritu sa kalumo. Pagmatngon sa imong kaugalingon, basin ug matintal ka usab.

Mga Taga-Efeso 5:11

Ug ayaw kamo pag-ambit sa mga dili mabungahong buhat sa kangitngit, hinuon kinahanglang ibutyag ninyo kini.

1 Timoteo 5:20

Mahitungod niadtong nagpadayon sa pagpakasala, badlonga sila sa atubangan sa tanan aron ang uban makabaton ug kahadlok.

1 Timoteo 5:22

Ayaw pagdali sa pagpandong sa mga kamot o moambit sa mga sala sa uban. Pagputli sa imong kaugalingon.

2 Timoteo 4:2

iwali ang pulong, pagmadasigon maayo man ang kahigayonan o dili; himoa ang pagpamadlong, ang pagpasidaan ug ang pagpangdasig diha sa tanang pagkamainantoson ug sa pagpanudlo.

Tito 1:13

Tinuod kini nga pagpamatuod. Busa badlonga sila pag-ayo aron malig-on sila diha sa pagtuo,

Tito 2:15

Isulti kining mga butanga. Himoa ang pagdasig ug ang pagpamadlong uban sa tanang kagahom. Ayaw itugot nga adunay magtamay kanimo.

1 Juan 2:11

Apan siya nga nagdumot sa iyang igsoon, anaa sa kangitngit ug naglakaw diha sa kangitngit ug wala siya mahibalo kon asa siya padulong, kay ang kangitngit mibuta man sa iyang mga mata.

1 Juan 2:9

Siya nga nag-ingon nga anaa siya sa kahayag apan nagdumot sa iyang igsoon, kini siya anaa pa gihapon sa kangitngit.