Levitico 19:15

Ang Biblia 2011

“Ayaw paghimo ug dili makataronganong paghukom; ayaw paglaban sa kabos o magdapig sa tawo nga gamhanan, kondili diha sa pagkamatarong maghukom ikaw sa imong isigkatawo.

Cross References

Job 13:8

Magpakita ba kamo ug pagdapig kaniya, maghangyo ba kamo alang sa Dios?

Job 32:21

Dili ako magpakita ug pagdapig kang bisan kinsa, o mogamit ug pag-ulo-ulo ngadto kang bisan kinsa.

Job 34:19

nga dili magpakita ug pagdapig ngadto sa mga pangulo, o magtagad sa mga dato labaw kay sa kabos, kay silang tanan buhat man sa iyang mga kamot?

Salmo 82:2

“Hangtod kanus-a ba kamo maghukom nga dili matarong, ug magdapig sa mga daotan? Selah

Exodo 18:21

Dugang pa niini, gikan sa tanang katawhan, pagpili ug mga tawo nga may katakos, mga tawo nga mahadlokon sa Dios, mga tawo nga kasaligan ug nagdumot sa suborno. Ibutang kining mga tawhana ibabaw kanila, ingon nga mga pangulo sa mga linibo, sa mga ginatos, sa mga tag-50, ug sa mga tagnapulo.

Mga Panultihon 18:5

Dili maayo ang pagdapig sa tawong daotan, o ang paghikaw sa hustisya gikan sa matarong.

Mga Panultihon 24:23

Kini usab mga panultihon sa maalamon: Ang pagdapig diha sa paghukom dili maayo.

Mga Panultihon 31:9

Bukha ang imong baba, paghukom diha sa pagkamatarong, panalipdi kanunay ang mga katungod sa kabos ug nanginahanglan.

Levitico 19:35

“Ayaw kamo paghimo ug dili matarong nga paghukom, sa mga sukod sa gitas-on, sa gibug-aton o sa gidaghanon.

Juan 7:24

Ayaw kamo panghukom pinasikad sa makita lamang, kondili panghukom kamo pinaagi sa matarong nga paghukom.”

Mga Buhat 23:3

Unya si Pablo miingon kaniya, “Ang Dios maghampak kanimo, ikaw nga gipaputi nga bungbong! Naglingkod ba ikaw sa paghukom kanako sumala sa balaod, ug unya imo akong ipahampak supak sa balaod?”

Deuteronomio 1:17

Ayaw kamo pagdapig sa inyong paghukom. Pamatia ninyo ang gagmay sama sa dagko. Ayaw kamo kahadlok sa nawong sa tawo kay ang paghukom iya sa Dios. Ug ang husayonon nga lisod alang kaninyo dad-a ninyo kanako ug pamation nako kini.’

Deuteronomio 10:17

Kay ang Ginoo nga inyong Dios, Dios sa mga dios, ug Ginoo sa mga ginoo, ang dako, gamhanan ug makalilisang nga Dios nga walay pinalabi ug dili usab modawat ug suborno.

Deuteronomio 16:19

Ayaw tuisa ang hustisya. Ayaw pagdapig ug mga tawo ug ayaw pagdawat ug suborno kay ang suborno nagbuta sa mga mata sa mga maalamon ug nagbalit-ad sa mga pulong sa mga matarong.

Deuteronomio 27:19

“ ‘Tinunglo ang magtuis sa hustisya nga alang sa langyaw, sa wala nay amahan ug sa biyuda!’ Ug ang tanang katawhan moingon, ‘Amen!’