Levitico 19:14

Ang Biblia 2011

Ayaw tungloha ang bungol o butangan ug kapandolan ang atubangan sa buta, hinuon kahadloki ang imong Dios. Ako mao ang Ginoo.

Cross References

Genesis 42:18

Sa ikatulo nga adlaw si Jose miingon kanila, “Buhata ninyo kini ug mabuhi kamo kay ako may kahadlok sa Dios.

Nehemias 5:15

Ang unang mga gobernador nga nag-una kanako naghatag ug bug-at nga mga palas-anon sa katawhan ug nagkuha sa pagkaon ug bino gikan kanila, gawas sa 40 ka siklo nga plata. Bisan ang ilang mga alagad nagharihari ibabaw sa katawhan apan ako wala magbuhat sa ingon tungod sa pagkahadlok nako sa Dios.

Salmo 111:10

Ang pagkahadlok sa Ginoo mao ang sinugdanan sa kaalam; ang tanan nga nagbuhat niini adunay maayong salabotan! Ang pagdayeg kaniya molungtad hangtod sa kahangtoran!

Levitico 19:15

“Ayaw paghimo ug dili makataronganong paghukom; ayaw paglaban sa kabos o magdapig sa tawo nga gamhanan, kondili diha sa pagkamatarong maghukom ikaw sa imong isigkatawo.

Levitico 19:32

“Tindog sa atubangan sa ubanon ug ulo, ug tahora ang nawong sa tawo nga tigulang, ug kahadloki ang imong Dios. Ako mao ang Ginoo.

Levitico 25:17

Busa ayaw kamo paglimbong sa usa ug usa, apan kahadloki ninyo ang inyong Dios, kay ako mao ang Ginoo nga inyong Dios.

Roma 12:14

Panalangini kadtong mga naglutos kaninyo; pag-ampo ug ayaw panunglo.

Roma 14:13

Busa dili na kita maghukom sa usa ug usa, apan tinguhaa hinuon ang dili gayod pagbutang ug kapandolan o babag diha sa dalan sa inyong igsoon.

1 Mga Taga-Corinto 10:32

Ayaw ninyo hatagi ug kapandolan ang mga Judio o ang mga Grego o ang iglesia nga iya sa Dios,

Deuteronomio 27:18

“ ‘Tinunglo ang mopahisalaag sa tawong buta diha sa dalan.’ Ug ang tanang katawhan moingon, ‘Amen!’

1 Pedro 1:17

Ug kon gitawag man ninyo nga Amahan siya nga sa walay pagdapig maghukom sa matag tawo sumala sa iyang binuhatan, paggawi kamo uban sa kahadlok sulod sa panahon sa inyong pagpuyo ingon nga mga dumuduong dinhi sa yuta.

1 Pedro 2:17

Tahora ninyo ang tanang tawo. Higugmaa ninyo ang kaigsoonan. Kahadloki ninyo ang Dios. Tahora ninyo ang hari.

Gipadayag 2:14

Apan aduna akoy pipila ka butang batok kanimo: anaa diha kanimo ang pipila nga nagsunod sa gitudlo ni Balaam nga mao ang nagtudlo kang Balak sa pagbutang ug kapandolan sa atubangan sa mga anak ni Israel, pinaagi sa pagdani kanila sa pagkaon sa mga hinalad ngadto sa mga larawan ug sa paghimo ug salawayong pakighilawas.