Levitico 19:11

Ang Biblia 2011

“Ayaw kamo pangawat o paglimbong o pagbinakakay sa usa ug usa kaninyo.

Cross References

2 Samuel 17:20

Sa pag-abot sa mga sulugoon ni Absalom didto sa balay sa babaye, sila miingon, “Hain si Ahimaas ug si Jonatan?” Ug ang babaye miingon kanila, “Sila nanabok sa sapa nga tubigan.” Ug sa dihang sila nangita ug wala sila makakita kanila, namauli sila sa Jerusalem.

1 Mga Hari 13:18

Ug siya miingon kaniya, “Ako usab usa ka propeta sama kanimo, ug usa ka anghel nagsulti kanako pinaagi sa pulong sa Ginoo, nga nag-ingon, ‘Dad-a siya pagbalik uban kanimo ngadto sa imong balay, aron siya makakaon ug pan ug makainom ug tubig.’ ” Apan namakak siya kaniya.

Salmo 101:7

Walay tawo nga nagbuhat ug limbong nga makapuyo sa akong balay; walay tawo nga nagsulti ug bakak nga magpadayon sa akong atubangan.

Salmo 116:11

sa hinanali ako nakaingon, “Ang tanang tawo bakakon.”

Exodo 20:15

“Ayaw pangawat.

Exodo 20:16

“Ayaw pagsaksi ug bakak batok sa imong isigkatawo.

Exodo 20:17

“Ayaw kaibog sa balay sa imong isigkatawo. Ayaw kaibog sa asawa sa imong isigkatawo o sa iyang sulugoon nga lalaki o sa iyang sulugoon nga babaye o sa iyang baka o sa iyang asno o sa bisan unsang butang nga iya sa imong isigkatawo.”

Exodo 22:1

“Kon ang usa ka tawo mangawat ug baka o karnero ug ihawon niya kini o ibaligya, kinahanglan nga mobayad siya ug lima ka baka alang sa usa ka baka, ug upat ka karnero alang sa usa ka karnero. Ang kawatan mag-uli sa hingpit gayod, kon wala gayod siyay mahimo, ibaligya siya alang sa iyang nakawat.

Exodo 22:7

“Kon ang usa ka tawo magtugyan ug salapi o katigayonan ngadto sa iyang isigkatawo aron patipigan, unya kawaton kini diha sa balay niadtong tawhana, kon ang kawatan masakpan, kinahanglang mobayad siya ug duha ka pilo.

Exodo 23:1

“Ayaw pagsulti ug tinumotumo nga taho. Ayaw pagpakig-abin sa tawong daotan aron mahimong saksi nga bakakon.

Mga Panultihon 24:28

Ayaw pagsaksi batok sa imong silingan sa walay hinungdan, ug ayaw paglimbong pinaagi sa imong mga ngabil.

Jeremias 6:13

“Kay gikan sa labing gamay ngadto sa labing dako kanila, ang matag usa hakog sa dili matarong nga ganansiya; ug gikan sa propeta ngadto sa pari, ang matag usa nanglimbong.

Levitico 19:10

Ayaw hagdawi ang inyong parasan, ayaw usab pamunita ang mga bunga nga nahulog sa parasan; ibilin kini alang sa mga kabos ug sa dumuduong. Ako mao ang Ginoo nga inyong Dios.

Roma 3:4

Dili gayod! Matinud-anon gayod ang Dios bisan pa kon bakakon ang tanang tawo ingon sa nasulat, “Aron mamatud-an ikaw nga matarong sa imong mga pulong ug modaog ikaw sa dihang hukman ka.”

Mga Taga-Efeso 4:25

Tungod niini, sa mahukas na ninyo ang bakak, ang matag usa kaninyo kinahanglang magsulti sa kamatuoran ngadto sa iyang isigkatawo, kay kita mga bahin man sa usa ug usa.

Mga Taga-Efeso 4:28

Ang kawatan kinahanglang dili na mangawat, kondili maghago hinuon, magbuhat sa mga maayong butang pinaagi sa iyang mga kamot aron may ikahatag siya ngadto sa mga nagkinahanglan.

Deuteronomio 5:19

“ ‘Ayaw usab kamo pangawat.

Mga Taga-Colosas 3:9

Ayaw na kamo pamakak sa usa ug usa, ingon nga nahukasan na kamo sa inyong daan nga kinaiya uban sa mga batasan niini

1 Timoteo 1:10

sa mga makihilawason, sa mga makig-unay ug isigkalalaki, sa mga mamimihag ug tawo, sa mga bakakon, sa mga tigpanumpa ug bakak, ug bisan unsa pa nga kabatok sa maayong pagtulun-an

Gipadayag 21:8

Apan alang sa mga talawan, sa mga walay pagtuo, sa mga dulumtanan, sa mga mamumuno, ug sa mga makihilawason, sa mga salamangkiro ug sa mga nagsimba ug mga diosdios, ug sa tanang mga bakakon, ang ilang bahin anaa sa linaw nga nagdilaab sa kalayo ug asupri, nga mao ang ikaduhang kamatayon.”