Levitico 18:27

Ang Biblia 2011

kay tungod niining maong mga dulumtanan nga gibuhat sa mga tawo sa yuta nga una kaninyo, ang yuta nahugawan,

Cross References

1 Mga Hari 14:24

May mga lalaki usab nga nagbaligya sa ilang dungog didto sa yuta. Sila naghimo sumala sa tanang dulumtanan sa mga nasod nga gipapahawa sa Ginoo gikan sa atubangan sa katawhan sa Israel.

2 Mga Hari 16:3

apan naglakaw siya diha sa dalan sa mga hari sa Israel. Gisunog pa gani niya ang iyang anak nga lalaki ingon nga halad sumala sa dulumtanang buhat sa mga nasod nga gisalikway sa Ginoo gikan sa atubangan sa katawhan sa Israel.

2 Mga Hari 21:2

Ug gihimo niya ang daotan sa atubangan sa Ginoo, sumala sa dulumtanang mga buhat sa mga nasod nga gisalikway sa Ginoo gikan sa atubangan sa katawhan sa Israel.

2 Cronicas 36:14

Ang tanan nga nangulo nga mga pari ug ang katawhan hilabihan ka masupilon, nagsunod sa tanan nga mga dulumtanan sa mga nasod ug ilang gihugawan ang balay sa Ginoo nga iyang gibalaan didto sa Jerusalem.

Ezequiel 16:50

Sila mga mapahitas-on ug nagbuhat ug mga dulumtanan sa akong atubangan. Busa gipapahawa nako sila sa dihang nakita nako kini.

Ezequiel 22:11

Adunay naghimo ug mga dulumtanan uban sa asawa sa iyang silingan, adunay nagpasipala sa iyang umagad nga babaye ug adunay nagpasipala sa iyang igsoong babaye, anak sa iyang amahan.

Oseas 9:10

Sama sa mga paras diha sa kamingawan, akong nakaplagan ang Israel. Sama sa unang bunga sa kahoyong igera sa unang pagpamunga niini, nakita nako ang inyong mga katigulangan. Apan nangadto sila sa Baal-peor ug naghalad sa ilang kaugalingon ngadto sa kaulawan ug nangahimong dulumtanan sama niadtong ilang gihigugma.

Levitico 18:24

“Ayaw ninyo hugawi ang inyong kaugalingon pinaagi sa bisan unsa niini, kay niining tanan ang mga nasod nga akong gihinginlan gikan sa inyong atubangan naghugaw sa ilang kaugalingon.

Levitico 18:26

Apan tumana gayod ninyo ang akong mga lagda ug ang akong mga tulumanon ug ayaw kamo pagbuhat ug bisan unsa niining tanan nga mga dulumtanan, lumad man o dumuduong nga nagpuyo uban kaninyo,

Levitico 18:28

kay tingali unya ug ang yuta magsuka kaninyo sa dihang mahugawan ninyo kini sama nga gisuka niini ang nasod nga nahiuna kaninyo.

Deuteronomio 20:18

aron sila dili makatudlo kaninyo sa pagbuhat sumala sa tanan nilang mga dulumtanang buhat nga ilang gibuhat sa pag-alagad sa ilang mga dios, ug sa ingon kamo makasala batok sa Ginoo nga inyong Dios.

Deuteronomio 23:18

Ayaw ninyo dad-a ang bayad sa babayeng nagbaligya sa iyang dungog o suhol sa lalaking nagbaligya sa iyang dungog ngadto sa balay sa Ginoo nga inyong Dios agig bayad sa bisan unsa nga panaad kay kining duha dulumtanan alang sa Ginoo nga inyong Dios.

Deuteronomio 25:16

Kay ang tanan nga nagbuhat nianang mga butanga, ang tanan nga nagbuhat ug limbong, dulumtanan sa Ginoo nga imong Dios.

Deuteronomio 27:15

“ ‘Tinunglo ang tawo nga magbuhat ug larawan nga kinulit o tinunaw, butang nga dulumtanan sa Ginoo, butang nga binuhat sa kamot sa hanas nga tigpamuhat ug magbutang niini sa tago!’ Ug ang tanang katawhan mag-ingon, ‘Amen!’