Levitico 18:18

Ang Biblia 2011

Ayaw pangasawa sa babaye ingon nga kaagaw sa iyang igsoon nga babaye aron sa pagbukas sa iyang pagkahubo samtang buhi pa ang iyang igsoon.

Cross References

Genesis 29:28

Gibuhat kini ni Jacob ug gitapos ang iyang semana ug gihatag ni Laban kaniya si Raquel nga iyang anak ingon nga iyang asawa.

Genesis 30:15

Apan siya miingon kaniya, “Gamay ra bang butang ang pagkuha nimo sa akong bana? Unya kuhaon pa gayod nimo ang mga mandragora sa akong anak?” Ug si Raquel miingon, “Karong gabii, makahigda siya uban kanimo tungod sa mga mandragora sa imong anak.”

Genesis 4:19

Ug si Lamec nangasawa ug duha ka buok, ang ngalan sa usa mao si Ada ug ang ngalan sa usa si Zilla.

Exodo 26:3

Ang lima ka tabil kinahanglang taputon ang usa sa usa, ug ang lain nga lima ka tabil taputon usab ang usa sa usa.

Levitico 18:17

Ayaw buksi ang pagkahubo sa usa ka babaye ug sa iyang anak nga babaye, o bisan sa anak nga babaye sa iyang anak nga lalaki o sa anak nga babaye sa iyang anak nga babaye, sila mga suod nga kadugo, kini daotan gayod.

Levitico 18:19

“Ayaw pagduol sa usa ka babaye aron sa pagbukas sa iyang pagkahubo samtang anaa pa siya sa iyang binulan nga pagkahugaw.

Malaquias 2:15

Wala ba ang bugtong nga Dios maghimo ug magsangkap kanato sa espiritu sa kinabuhi? Ug unsa ang iyang gitinguha? Diosnon nga kaliwat. Busa pagbantay kamo sa inyong kaugalingon, ug ayaw itugot nga adunay usa nga magmaluibon sa asawa sa inyong pagkabatan-on.