Levitico 17:7

Ang Biblia 2011

Busa dili na gayod sila maghalad sa ilang mga halad nga inihaw ngadto sa mga demonyong kanding aron paghimo ug maluibong pagsimba. Kini mahimong usa ka lagda hangtod sa kahangtoran alang kanila sa tanan nilang mga kaliwatan.

Cross References

2 Cronicas 11:15

ug siya nagpili ug iyang kaugalingong mga pari alang sa mga habog nga dapit ug alang sa mga demonyong kanding ug alang sa mga nating baka nga iyang gihimo.

Salmo 106:37

Gihalad nila ang ilang mga anak nga lalaki ug ang ilang mga anak nga babaye ngadto sa mga demonyo;

Salmo 106:39

Busa nahugawan sila tungod sa ilang mga buhat, ug nagmaluibon sila pinaagi sa ilang mga buhat.

Exodo 22:19

“Si bisan kinsa nga makighilawas sa mananap, kinahanglan nga patyon.

Exodo 22:20

“Si bisan kinsa nga maghalad ngadto sa bisan unsang dios gawas sa Ginoo lamang kinahanglang laglagon.

Exodo 27:21

Sulod sa tolda nga tagboanan sa gawas sa tabil nga anaa sa atubangan sa pagpamatuod, si Aaron ug ang iyang mga anak nga lalaki mao ang mag-atiman gikan sa hapon hangtod sa buntag atubangan sa Ginoo. Kini mahimong tulumanon hangtod sa kahangtoran nga tumanon sa katawhan sa Israel ngadto sa ilang mga kaliwatan.

Exodo 32:8

Dali ra silang misimang gikan sa dalan nga akong gisugo kanila, ug nagbuhat sila alang kanila ug usa ka nating baka nga tinunaw ug misimba sila niini. Naghalad sila niini ug miingon, ‘Kini mao ang imong mga dios, O Israel, nga nagkuha kanimo gikan sa yuta sa Ehipto!’ ”

Exodo 34:15

kay tingali unya ug magbuhat kamo ug kasabotan uban sa mga nagpuyo sa yuta ug sa dihang makighilawas sila sa pagsimba sa ilang mga diosdios ug maghalad ug mga inihaw ngadto sa ilang mga diosdios ug usa kanila modapit kaninyo, mokaon unya kamo sa ilang halad,

Jeremias 3:1

“Kon ang usa ka lalaki makigbulag sa iyang asawa ug kini mobiya kaniya ug mahimong asawa sa laing lalaki, mobalik ba siya niini? Dili ba kanang yutaa mahugaw pag-ayo? Ikaw nakighilawas uban sa daghang mga hinigugma; ug mobalik ba ikaw kanako? nag-ingon ang Ginoo.

Ezequiel 23:3

Sila nagbaligya sa ilang dungog didto sa Ehipto, nagbaligya sila sa ilang dungog sa panahon sa ilang pagkabatan-on, didto gipanghikap ang ilang mga dughan ug gihapuhap ang ilang mga ulay nga suso.

Ezequiel 23:8

Wala niya biyai ang iyang pagkamakihilawason nga iyang gibuhat sukad sa mga adlaw sa Ehipto, kay sa iyang pagkabatan-on, ang mga lalaki midulog kaniya, ug ilang gihapuhap ang iyang ulay nga dughan ug gibubo ang ilang kaulag nganha kaniya.

Levitico 17:8

“Sultihi sila: Si bisan kinsang tawhana sa banay sa Israel o sa mga dumuduong nga nagpuyo sa taliwala nila nga maghalad ug halad nga sunogon o inihaw nga halad

Levitico 20:5

makigbatok ako nianang tawhana ug sa iyang panimalay ug ipahimulag nako sila gikan sa ilang katawhan, siya ug ang tanan nga nakighilawas uban kaniya sa pagsimba kang Molec.

Levitico 3:17

Kini usa ka tulumanon nga dayon alang sa inyong mga kaliwatan, sa tanan ninyong mga puluy-anan, aron dili kamo magkaon ug tambok o dugo.”

Juan 12:31

Karon mao na ang paghukom niining kalibotana, karon palagpoton na ang pangulo niining kalibotana.

Juan 14:30

Dili na ako magdaghan pa ug sulti kaninyo, kay moabot na ang pangulo niining kalibotana. Wala siyay gahom ibabaw kanako;

1 Mga Taga-Corinto 10:20

Dili, hinuon ang buot nako nga ipasabot mao nga bisan unsay ilang gihalad, kini ilang gihalad ngadto sa mga demonyo ug dili ngadto sa Dios. Dili ako buot nga kamo makig-ambit sa mga demonyo.

2 Mga Taga-Corinto 4:4

Diha kanila ang mga hunahuna sa mga dili magtutuo gibutaan sa dios niining panahona, aron dili sila makakita sa kahayag sa Maayong Balita sa himaya ni Cristo nga mao ang dagway sa Dios.

Mga Taga-Efeso 2:2

Kaniadto kamo nagkinabuhi sumala sa pamaagi niining kalibotana, sumala sa kagamhanan sa kahanginan, sa espiritu nga karon mao ang naglihok diha sa mga tawong masupilon.

Deuteronomio 31:16

Unya ang Ginoo miingon kang Moises, “Tan-awa, hapit na ikaw mopahulay uban sa imong mga amahan unya kining katawhan mosimba sa laing mga dios sa yuta nga maoy ilang adtoan aron makig-uban kanila, ug sila mobiya kanako ug molapas sa akong kasabotan nga gibuhat nako uban kanila.

Deuteronomio 32:17

Sila naghalad ngadto sa mga demonyo nga dili mga dios, sa mga dios nga wala nila mailhi, sa mga bag-ong dios nga ulahing miabot nga wala kahadloki sa inyong katigulangan.

Gipadayag 9:20

Ang nahibilin nga mga tawo nga wala mangamatay pinaagi sa maong mga katalagman wala maghinulsol sa mga nabuhat sa ilang mga kamot, ug wala usab nila biyai ang pagsimba ug mga demonyo ug mga larawan nga bulawan ug plata ug bronsi ug bato ug kahoy nga dili makakita o makadungog o makalakaw.